«Ruhany janghyru» baghdarlamasy elimizding әr tasy men tauyn sýngge, qúrmetteuge shaqyrady. Pandemiya qazirgi tanda jana mýmkindikterdi ashyp otyr. Ol ishki turizmge jana mýmkindikter ashuda.

Atap aitqanda syrtqa shyghu qymbat әri qauipti, al ishki turizm arzan, tiyimdi jәne eng bastysy qauipsiz bolyp qaluda. Sondyqtan da «Ruhany janghyru» ayasyndaghy ishki turizmdi damytugha negiz bolatyn «Sakraldy Qazaqstan» baghdarlamasy men «Kishi Atameken» baghdarlamasy ayasyndaghy tabighy mekender býginnde ýlken qyzyghushylyq tudyruda. Ásirese Almaty oblysyndaghy 17 nysan Qazaqstannyng kiyeli geografiyasy tizimine ense, oblystyq tizimge onyng 41-i enip, jaqsy damuda. Halyq arasynda qúrmetke ie mәdeny múra eskertkishteri, keseneler, tabighy landshafttar, manyzdy sayasi, tarihy oqighalargha baylanysty oryndar Qazaqstandyq, sheteldik sayahatshylar belsendi týrde keletin oryndargha ainaldy.

Almaty oblysy «Ruhany janghyru» ofiysining diyrektorynyng orynbasary Erasyl Tolymbekúly bylay deydi. «Bizding bayqauymyzsha: búryn qazaqstandyqtar is-shara turizmin kóbirek únatatyn jәne qalalar men audandarda ótetin týrli is-sharalargha jappay quana baratyn. Pandemiya bastalyp, shekaralar jabylyp, tipti el ishinde qozghalys qiyndaghannan keyin kópshilik tabighatpen birlikke úmtylyp, jana demalys oryndaryn asha bastady. Bylaysha aitqanda, jayau qashyqtyqta jýrudi әdetke ainaldyrdy. Almaty oblysynda әrqaysysynyng ózindik tarihy bar 17 audan, ýsh qala bar. Biylghy jyly «Ruhany janghyru» jobasynyng kensesinde oblys әkimdigining qoldauymen «Jetisu ónirining aqyndary – anyzdar» atty, «Jetisu óniri turaly anyzdar, әngimeler» kitabyn shyghardyq. Qazaqstandyqtar Balqash, Alakól siyaqty eng tanymal demalys oryndarynyng tarihyn, olardyng ataularyn biluge yntaly bolady dep oilaymyn.

Últtyq kiyeli nysandar tizimine eng tanymal jerler kiredi. Han-Tәniri shyny, Sharyn shatqaly, Kólsay kólderi, Anyraqay, Orbúlaq shayqastary ótken tarihy meken, Sharyn shatqaly, «Altyn Emel» memlekettik últtyq tabighy parki, sonyng ishinde Ayghayqúm, Qatutau (janartau jartastarynan jasalghan taular), Kókbastau traktindegi Shoqan Uәlihanov búlaghyna 1,3 milliongha juyq adam keldi. 2020 jyly turister sany 800 myngha deyin kýrt tómendedi. Óitkeni oghan deyin «Ashyq» baghdarlamasy, halyqty jappay egu bolghan joq. Biraq 2021 jyldyng 9 aiynda búl jerlerge 1 million 800 myng turist kelgen. Qonaqtardyng eng kóp sany Kólsay kólderinde bolghan» deydi Erasyl Tolymbekúly.

2017 jyly aty anyzgha ainalghan Orbúlaq shayqasy bolghan jerge eskertkish ornatyldy. Shara «Tughan jer» memlekettik baghdarlamasy ayasynda jәne Elbasy Núrsúltan Nazarbaevtyng «Ruhany janghyru» maqalasynda aitylghan tapsyrmalargha sәikes ótti. Eskertkish QR-kodpen jabdyqtalghan, ol úyaly telefon arqyly skanerlengende shayqas turaly tolyq aqparat beredi.
Tyani-Shani shyrshasynan 19 ghasyrda bir shegesiz túrghyzylghan ataqty sәulet kesheni Jarkent meshitin tamashalaugha niyet bildirushilerding legi de arta týsti. Pandemiyada atalmysh ortalyq barlyq talapqa say qyzmet kórsetti.

Abai.kz