Jaqynda «egov.press» portalynda taghy bir petisiya jariyalandy. Búl joly nysanagha ilingen shendi – QR Ishki ister ministri Erlan Túrghymbaev bolghan. «Búl mәseleni QR Preziydenti sheshe alady», - dep kórsetilgen petisiya – 12 aqpan kýni jariyalanghan.

Kýni býginge deyin atalghan petisiyagha 3,5 mynnan astam adam qol qoyypty. Petisiya avtory – Toqmurzin Dostiyar Dýisembayúly dep kórsetilgen.

Petisiya mәtininde: «Azaptaugha, týrli zansyzdyqtargha jol bergen IIM ministri Erlan Túrghynbaev otstavkagha ketui tiyis.

06.01.2022 jyly keshki uaqytta «Halyq terrorist emes» degen ýlken jazumen alanda túghan beybit halyqqa eskertusiz oq atyldy degen shaghymdar men habarlamalardy, dәlelderdi jiti tekseru qajet. Dәleldengen jaghdayda beybit halyqqa oq atqandar qylmystyq jauapqa tartyluy kerek. Sonday-aq, 07.01.2022, 08.01.2022 jyly óltirilgenderding qanday jaghdayda, kimning qolynan qaza tapqandaryn tolyq anyqtau kerek. Auyr qylmysqa qatysy joq mitingige qatysqandardyng bәrin týgeldey bostandyqqa shygharu kerek», - dep jazylghan.

Atalghan petisiyagha qatysty 400-ge juyq pikir jazylypty. Olardyng basym bóligi ministr Erlan Túrghymbaevtyng dogharysqa ketuin talap etse, pikirshilerding ekinshi jartysy Túrghymbaev júmysyna kónilderi tolatyndaryn jazghan.

Pikirshilerding bir bóligi: «Qúqyq qorghau organdaryna senim joq. Balyq basynan shiriydi», «Qanshama jazyqsyz adamdar qúrban bolyp, qanshamasy týrmelerde azaptalyp jatyr», «Qazaqstanda azaptaugha jol joq», «Sottau kerek! Qazaqstangha Gestapo emes, demokratiyalyq IIM kerek»,  -deydi.

Al pikirshilerding ekinshi bóligi: «Erlan Zamanbekúly Túrghymbaev ózining qyzmetine adal jәne isker maman! Tek polisiyanyng ghana emes halyqtyng da jaghdayyn jaqsartugha ózining sheksiz ýlesin qosqan túlgha!», «Jaqsy Ministr polisiya qyzmetkerlerining imidj jaqsartty», «Jaqsy reformalar jýrgizip jatyr», «Osynday qiyn jaghdayda IIM ministri elde tәrtipti saqtau ýshin ýlken júmys istedi», - deydi.

Erlan Túrghymibaevtyng dogharysqa ketuin talap etu keshe-býgin ghana aitylyp otyrghan joq. Qasiretti qantar oqighasynan keyin, tergeuge әketilip, azaptaugha úshyraghan jandar jayly týrli aqparattar әleumettik jelini dýr silkindirude. «Bauyrymdy alyp ketti», «әkemdi soqqygha jyghuda», «dosym joghaldy», «inim tergeuge ketkennen kelmedi» degen habarlama kóp. Tergeu izoliyatorynda úryp-soghyp, azaptaudyng san týri bolyp jatqany da aityluda.

2019 jyldyng aqpany. Qazaqstannyng Ishki ister ministri auysty. Qalmúhanbet Qasymov segiz jyl tapjylmay otyrghan kreslogha Erlan Zamanbekúly kelip qonjidy. Sóitip, Qasymovqa qosh aittyq ta, Túrghymbaevty tórge shyghardyq. El-júrtqa sýieudey sýikimi qalmay bara jatqan son, el basshylyghy ózgeris jasaudy tapsyrghanda, forma auystyrghannan әri asa almaghan qazaq polisiyasyna ministrding auysuy ong әser eter dedik. Ókinishtisi, bayaghy jartas – sol jartas kýiinde qaldy. Al keshegi «qantar oqighasynan» keyin Túrghymbaev ministrligine syn kóbeydi.

Belgili din mamany, qogham qayratkeri Qayrat Jolydayúly: «Qantar oqighasynda kópshilik halyq kóshege әdildik súrap shyqty. Olardyng narazy kónilin biylik ishindegi eng yqpaldy klan óz mýddelerine paydalanyp, arandatushylyq әreketti әdeyi úiymdastyrdy. Banditter men keybir radikaldy toptardy qoldandy. Biraq olardyng sany narazylyq tanytyp, kóshege shyqqan beybit halyqtan әlde qayda az. Qantar oqighasynyng negizgi sebebi terrorister emes, 30 jyldyq siresken jýieden sharshaghan halyqtyng әdildik súrap shyqqan narazy kónili. Biylik osynyng ara-jigin ajaratyp aituy kerek.

Mitinge qatysqandardy týrmede úryp, soghyp, jantýrshigerlik tәseldermen azaptaghan polisiya qyzmetkerleri tútqyndalyp, qylmystyq jauapqa tartyluy qajet. Azaptaugha, týrli zansyzdyqtargha jol bergen IIM ministri Erlan Túrghynbaev otstavkagha ketui tiyis», - dep jazsa, belgili zanger Aygýl Orynbek: «Biz qәzir ýnsiz qalsaq, erteng polisiya tarapynan «ýtik basu» әdetke ainalady! Úrapaghyng ýtiktelip jýrmesin desen, búl jaghdaydy úmytpay, ýtik basqandardy anyqtap el aldyna shygharudy talap etuimiz kerek!

Preziydent býkil uaqytsha ústau mekemelerine beyne baqylau kameralaryn qoygha tapsyrma bergen! Býkil beyne baqylau kameralaryna týsken viydeolardy el aldyna shygharsyn! Halyqty qinamaghanyn kóreyik! «Bir-eki kýn shulaydy, sosyn úmytalady», deuleri mýmkin. Búl jәy ghana úmytyp ketetin dýnie emes. «Úryp soqty» degenge qúlaq ýirengen, erteng «ýtikpen kýidiripti» degenge de qúlaq ýirenip jýrmesin! «Jana Qazaqstan» zorlyq zombylyqsyz, azapsyz Qazaqstan bolu kerek», - dep jazady. Al Mәjilis deputaty Berik Ábdighaliyúly: «Ishki ister ministrligin azamattyq túlgha basqaruy kerek», - degen pikirdi jazady.

Abai.kz