Manghystau oblysy Janaózen qalasyndaghy múnayshylar jalaqy kóteru mәselesin kóterip, mitingige shyghypty. Múnayshylar jalaqyny 1 million tengege deyin kóterudi talap etip jatqan kórinedi. Al kompaniya qyzmetkerlerining ailyghy osy uaqytqa deyin 900 000 tengening tónireginde bolyp kelgenin aituda. Meninshe múnayshylardyng talaby orynsyz. Elimizding ózge ónirlerine qaraghanda Batysta kýnkóris dengeyi joghary. Mәselen Manghystau men Týrkistan oblysyndaghy ortasha jalaqyny salystyrugha kelmeydi. Al 1 million tenge jalaqy súrap, mitingige shyghu artyq sekildi. Onyng ýstine kompaniya basshylyghy qyzmetkerlerdi Qazaqstan Respublikasynyng qoldanystaghy enbek zannamasyna sәikes qoyylghan barlyq talaptardy talqylau ýshin kelissóz ýsteline otyrugha shaqyryp otyr.

- "Búrghylau" JShS júmysshylarynyng jalaqysy qazirding ózinde saladaghy eng jogharylardyng qatarynda. Kәsiporyn boyynsha ortasha ailyq jalaqy 2021 jyldyng qorytyndysy boyynsha 887 myng tengeni qúrady. Sonymen birge, újymdyq shartqa sәikes jalaqy jyl sayyn inflyasiya dengeyine qaray kóteriledi. Osylaysha, 2008-2021 jyldar aralyghyndaghy ortasha jalaqy 158 mynnan 887 myng tengege deyin ósti. Al 2022 jyldyng 1 qantarynan bastap ol taghy 10 payyzgha ósti, - dep habarlady kompaniya.

Biraq júmys rejiymin, qosymsha tólemder men syiaqylardy esepke alghanda, bir búrghylaushynyng ortasha jalaqysy 1 098 191 tengeni, al pomburshynyki 912 874 tengeni qúraydy.

9 aqpanda Manghystau oblysyndaghy ken oryndarynda múnay kәsipshilik qyzmetin kórsetetin "Búrghylau" kompaniyasynyng 400-ge juyq qyzmetkeri júmysyn toqtatqan bolatyn. Olar memleketke júmys berushige keminde bir million tengeden kem emes jalaqyny belgileu turaly talap qoydy.

Aynabekov Erbolat

Abai.kz