ماڭعىستاۋ وبلىسى جاڭاوزەن قالاسىنداعى مۇنايشىلار جالاقى كوتەرۋ ماسەلەسىن كوتەرىپ، ميتينگىگە شىعىپتى. مۇنايشىلار جالاقىنى 1 ميلليون تەڭگەگە دەيىن كوتەرۋدى تالاپ ەتىپ جاتقان كورىنەدى. ال كومپانيا قىزمەتكەرلەرىنىڭ ايلىعى وسى ۋاقىتقا دەيىن 900 000 تەڭگەنىڭ توڭىرەگىندە بولىپ كەلگەنىن ايتۋدا. مەنىڭشە مۇنايشىلاردىڭ تالابى ورىنسىز. ەلىمىزدىڭ وزگە وڭىرلەرىنە قاراعاندا باتىستا كۇنكورىس دەڭگەيى جوعارى. ماسەلەن ماڭعىستاۋ مەن تۇركىستان وبلىسىنداعى ورتاشا جالاقىنى سالىستىرۋعا كەلمەيدى. ال 1 ميلليون تەڭگە جالاقى سۇراپ، ميتينگىگە شىعۋ ارتىق سەكىلدى. ونىڭ ۇستىنە كومپانيا باسشىلىعى قىزمەتكەرلەردى قازاقستان رەسپۋبليكاسىنىڭ قولدانىستاعى ەڭبەك زاڭناماسىنا سايكەس قويىلعان بارلىق تالاپتاردى تالقىلاۋ ءۇشىن كەلىسسوز ۇستەلىنە وتىرۋعا شاقىرىپ وتىر.

- "بۇرعىلاۋ" جشس جۇمىسشىلارىنىڭ جالاقىسى قازىردىڭ وزىندە سالاداعى ەڭ جوعارىلاردىڭ قاتارىندا. كاسىپورىن بويىنشا ورتاشا ايلىق جالاقى 2021 جىلدىڭ قورىتىندىسى بويىنشا 887 مىڭ تەڭگەنى قۇرادى. سونىمەن بiرگە، ۇجىمدىق شارتقا سايكەس جالاقى جىل سايىن ينفلياتسيا دەڭگەيىنە قاراي كوتەرىلەدى. وسىلايشا، 2008-2021 جىلدار ارالىعىنداعى ورتاشا جالاقى 158 مىڭنان 887 مىڭ تەڭگەگە دەيىن ءوستى. ال 2022 جىلدىڭ 1 قاڭتارىنان باستاپ ول تاعى 10 پايىزعا ءوستى، - دەپ حابارلادى كومپانيا.

بىراق جۇمىس رەجيمiن، قوسىمشا تولەمدەر مەن سىياقىلاردى ەسەپكە العاندا، ءبىر بۇرعىلاۋشىنىڭ ورتاشا جالاقىسى 1 098 191 تەڭگەنى، ال پومبۋرشىنىكى 912 874 تەڭگەنى قۇرايدى.

9 اقپاندا ماڭعىستاۋ وبلىسىنداعى كەن ورىندارىندا مۇناي كاسىپشىلىك قىزمەتىن كورسەتەتىن "بۇرعىلاۋ" كومپانياسىنىڭ 400-گە جۋىق قىزمەتكەرى جۇمىسىن توقتاتقان بولاتىن. ولار مەملەكەتكە جۇمىس بەرۋشiگە كەمiندە ءبىر ميلليون تەڭگەدەن كەم ەمەس جالاقىنى بەلگىلەۋ تۋرالى تالاپ قويدى.

اينابەكوۆ ەربولات

Abai.kz