Qazaqstannyng Ukrainadaghy tótenshe jәne ókiletti elshisi Darhan Qaletaev Azattyq tilshisine qazaqstandyqtardy evakuasiyalau joldary turaly aitty. Onyng sózine qaraghanda, Ukrainanyng әue kenistigi jabyq, sondyqtan elshilik basqa joldy qarastyryp jatyr.

"Áuejay izdep jatyrmyz. Qay jerge Air Astana'nyng úshaghy qonatyn mýmkindik baryn anyqtau kerek. Belarusipen shekara jabyq. Moldovagha avtokólik joly Odessa arqyly baratyndyqtan qauipti. Ol jerlerde soghys bolyp jatyr. Eng qauipsizi Livov qalasy, azamattargha sol jaqqa barudy úsynyp jatyrmyz. Ary qaray Polisha ne Vengriyagha shygharugha tyrysamyz. Azamattardyng Europa elderine vizasy joq, sondyqtan qay memleket bizge jasyl koridor bere alatynyna baylanysty. Ázirge jospar osynday", – dedi elshi.

Elshining sózinshe, Kiyev kóshelerinde keptelis, túrghyndarda dýrligu bar. Soghan qaramastan elshilik júmys istep túr. Qazir elshilik ghimaratynda Qazaqstannyng 30 shaqty azamaty bar. Ukrainadaghy Qazaqstan elshiligining mәlimetinshe, 2 mynday azamat konsuldyq tirkeude túr.

24 aqpanda tanerteng Qazaqstan syrtqy ister ministrligining resmy ókili Aybek Smadiyarov Ukrainadaghy qazaqstandyqtardy evakuasiyalau amaldaryn qarastyryp jatqanyn habarlaghan.

Beysenbi kýni kýndiz Kiyev oblysynda túratyn qazaqstandyq oppozisiya belsendisi Vladimir Kozlov Azattyqqa elshilikten evakuasiya jayly habar týsti, biraq uaqyty men ornyn naqtylamady dep aitqan.

Abai.kz