Ol qansha is boyynsha ýkim shyqqanyn, sottalghandargha qanday jaza taghayyndalghanyn, qanshasy týrmege qamalghanyn aitpady.
Bas prokuraturanyng dereginshe, 162 aiyptalushynyng ýstinen qozghalghan 101 qylmystyq is sotqa jiberilgen. Búl isterding basym bóligi Almatyda qaralyp jatyr.
Almaty qalasy sotynyng baspasóz qyzmeti Azattyqqa 1 nauryzgha deyin audandyq sottargha 69 is týsip, 36 is boyynsha ýkim shyqqanyn habarlady. Isterding kóbi "Úrlyq" babymen qaralghan. Qalalyq sot búryn qylmystyq jauapqa tartylmaghandardyng jazalary bas bostandyghyn shekteu jәne shyghyndy óteu jazasyna auystyrylghanyn jetkizdi.
Qantar oqighasyna qatysty alghashqy sot ýkimi 17 aqpanda shyqqan edi. Almatydaghy sot Almaty oblysynyng eki túrghyny Baqyt Ontay men Ójet Jenishandy "qaru úrlady" degen aiyppen bes jylgha týrmege qamaghan.
Bas prokuratura 2 nauryzdaghy brifingte prokurorlar "terrorizm", "tәrtipsizdik", "úrlyq", "tonau", "qaru úrlau", "poliyseylerge kýsh qoldanu" aiyptarymen 3666 isti qaralyp jatqanyn mәlimdedi.
Al ishki ister ministrligi Qantar oqighasynan song "úrlyq", "tonau", "qaru úrlau" baptarymen 2997 isti tergep jatqanyn aitty. IIM mәlimetinshe, 22 adam "qaru úrlau" aiybymen kýdikke ilingen.
Bas prokuraturanyng mәlimetinshe, 701 adam tergeu izolyatorynda otyr, 199 adam qolhatpen bosatylghan ya ýiqamaqta.
Brifingte týrmedegi azaptau isterine qatysty jana derekter aitylmady. Birneshe kýn búryn bas prokuratura tergeude kýdiktilerdi azaptady degen kýdikpen organdardyng toghyz qyzmetkeri ústalghanyn mәlimdedi.
Búghan qosa, Taldyqorghanda eks-preziydent Nazarbaevtyng eskertkishin qúlatqan song ústalghan Azamat Batyrbaevty qamauda azaptady degen kýdikpen bir adam qamaugha alynghany habarlandy.
Qazaqstanda Qantar oqighasynan song myndaghan adam ústalyp, jýzdegen adam "terrorizm", "tәrtipsizdik", "qaru úrlau" jәne basqa da aiyptarmen qamaugha alynghan. Qamalghandardyng kóbi týrmede azaptalghandaryn aitqan edi.
Qúqyq qorghaushylar Qazaqstan biyligin Qantar oqighasya halyqaralyq dengeyde tekseruge shaqyrghan edi, biraq Núr-Súltan búl úsynystan bas tartty.
Abai.kz
