«DALA insayd» telegram arnasy «vedomstvoaralyq tergeu toby eks-preziydentting tughan inisi Bolat Nazarbaevtyng ýstinen tergeu júmystaryn jýrgizip jatqanyn» habarlady.

«Vedomstvoaralyq tergeu toby (ÚQQ, Antikor, QMA) Bolat Nazarbaevtyng memleketten keng kólemde aqsha jymqyru faktilerin jәne eng bastysy – «Qantar oqighasyn» úiymdastyrugha qatysy bar-joghyn tergeude. Búl turaly organdargha jaqyn «DALA insayd» derekkózi habarlady. Onyng aituynsha, Qayrat Satybaldyny tergeu prosessining ekonomikalyq kezeni ayaqtalugha jaqyn jәne qazirgi fokus «Qantar oqighasyn» úiymdastyru barysyna auysty. Tergeu osy isterge Bolat Nazarbaevtyng qatysy bar ma, sony bilgisi keledi», - dep jazdy telegram arnasy.

Alayda resmy BAQ-ta búl turaly aitylghan joq.

Bolat Nazarbaevtyng «qantar oqighasynan» keyin Qyrghyzstan arqyly BAÁ-ne úshyp ketkeni turaly janalyq taraghan. Qyrghyzstannyng «24.kg» janalyqtar saytyna 12 qantarda shyqqan aqparatqa sәikes, eks-preziydentting inisi kórshi elding shekarasyna jeke kóligimen kirgen.

«Áleumettik jelilerde Núrsúltan Nazarbaevtyng inisi Bolat qyrghyz-qazaq shekarasyn kesip ótkeni turaly qújat tarap jatyr. Qújatta Bolat Nazarbaev 2022 jylghy 6 qantar, saghat 5:36-da Qyrghyzstan aumaghyna avtokólikpen kirgeni kórsetiledi. 24.kg-ning senimdi derekkózderining habarlauynsha, Núrsúltan Nazarbaevtyng inisi shekarany «Aq Jol-avtojol» (Qyrghyzstan) - «Qorday — avtojol» (Qazaqstan) BÓP arqyly kesip ótkeni belgili boldy.»Bolat Nazarbaev Qyrghyzstan aumaghyna 6 qantarda kirdi. Ol sol kýni «Manas» әuejayynan Bishkek-Dubay baghyty boyynsha úshyp ketti», - dep habarlady redaksiya.

6 qantar kýni Qyrghyzstannyng «Manas» әuejayyna Nazarbaevtardyng jekemenshik úshaghy sanalatyn Bombardier Global Express úshaghy Abu-Dabiyden kelip qonghan. Sol týni Bolat Nazarbaev úshyp ketedi. Manas әuejayynyng baspasóz hatshysy Áliya Qúrbanova úshaq ishinde kimning bolghanyn habarlamasa da, 6 qantarda Dubaydan Bishkekke jeke úshaq úshqanyn rastaghan.

Osy habardan keyin Bolat Nazarbaevtyng Qazaqstangha oralghany turaly aqparat shyqpaghan. Songhy uaqytta BAQ betine Bolat Nazarbaevtyng «qysymyna úshyraghan» azamattar shyndyghyn aityp shyghyp jatyr.

Almaty oblysyndaghy «Almaty Steklo» zәulim zauytynyng teng qúryltayshysy jәne bas diyrektory Ázim Abdullaev óndiris ornynan týsetin paydanyng 50 payyzyn eks-preziydentting inisi Bolat Nazarbaev tartyp alyp otyrghanyn aitqan. Ázim Abdullaevtyng aituynsha, 2016 jyly zauyt ashylghannan beri ay sayyn Bolat Nazarbaevqa 250-300 myng dollor tólep otyrghan. Kәsipker bir ghana zauyt emes, Qarasay audanynda ornalasqan «Bahar» meyramhanasynyn, «liyker-ishimdik shygharatyn Shalqar -17» zauytynyng týsimine Núrsúltan Nazarbavtyng inisi ortaqtasqanyn aitqan.

«Onymen birge júmys istegen 15 jyldyng ishinde 60 million dollor berdim», - deydi Abdullaev.

Sonymen qatar byltyrdan beri qamauda otyrghan «Parmigiano Group» meyramhanalar jelisining negizin qalaushy jәne Almatydaghy «Esentai City» jobasynyng avtory Almas Ábdighapparov jәne onyng tuystary búghan deyin «Bolat Nazarbaevtyng adamdary» olardyng otbasynyng biznesin iyemdengenin mәlimdegen bolatyn.

Sәuirding birinde Bolat Nazarbaev «týrmege japqan azamat» turaly «acca.media» saytyna maqala jaryq kórdi. Maqalada bylay delingen:

«Beriktas auylynda at jarysy bolady. Jarysta Esbol Japbasovtyng jýirik túlparlary birinshi bolyp kelip, ol eki kólik útyp alady. Onyng Samal atty jýirigine Bolat Nazarbaevtyng kózi birden týsedi. Nazarbaev sol kezdegi Talghar audanynyng әkimi (2020 jyly shilde aiynda qaytys bolghan) Jolan Omarov arqyly Japbasovtyng túlparyn ózine beruin súratady. Búrynghy әkim Esbolgha «bolashaqta qiyndyqqa tap bolmau ýshin túlpardy Nazarbaevqa bergeni dúrys ekenin» aitady. Alayda Esbol búl úsynystan bas tartady. Sol ýshin Esbol Japbasovqa kontrabandamen ainalysqan degen jala jabylyp, 14 jylgha bas bostandyghynan aiyrady. «Biz tuysymyzdyng izine týskenin birden týsindik. Bir kýni Erbol joghalyp ketti. Biz izdey bastadyq. Ony eki apta boyy taba almadyq. Sosyn bizge ÚQK qyzmetkeri habarlasyp, Esboldyng qauipsiz ýide otyrghanyn aitty jәne ony jaqynda erkine qoya beretinin aitty. Biraq ony bosatatyn kýni Esboldyng janadan salynyp jatqan ýiine avtomat, kóligine tapansha salyp qoyady. Osylaysha ÚQK suyq qarulardy ózi tapqan bolyp, sony algha tartyp týrmege otyrghyzdy», - deydi Esboldyng tuysy Ádilhan Shyntasov.

Ayta keteyik, biylghy nauryzdyng ortasynda Qarjy monitoringi Bolat Nazarbaevqa jәne Núrsúltan Nazarbaevtyng kýieu balasy Qayrat Shәripbaevqa qatysy bar zansyz mayning fermalar tabylghanyn habarlaghan bolatyn.

«Tekseru barysynda 55 mayning fermasy óz erkimen júmysyn toqtatty jәne jabdyqtaryn alyp tastady. Olargha qayta bastaugha rúqsat etilmeydi. 51 kompaniya zansyz júmys istedi. Olar elektr jelisine zansyz qosylghan, arnayy ekonomikalyq aimaqtarda zansyz ornalastyrylghan, salyq pen kedendik baj salyghynan jaltarghan. Olardyng barlyghy elektr quatynan ajyratyldy», - dep habarlady Qarjy monitoringi agenttigi.

Agenttikting habarlauynsha, mayning jabdyqtary Ontýstik Koreya, Týrkiya, Gruziya, Singapur jәne Qytaydan kontrabandalyq jolmen әkelingen. Qytaydan 2,8 mlrd tenge somasyna mynnan astam mayning jabdyqtary Almatydaghy mayning fermagha kontrabandalyq jolmen әkelingen.

«Qantar oqighasynan» keyin elimizding týkpir-týkpirinen Bolat Nazarbaevtan zәbir kórgen azamattar BAQ betine shyghyp, onyng qiyanaty turaly aita bastady. Endeshe Bolat Nazarbaevtyng ýstinen tergeu jýrgizilui bek mýmkin.

Abai.kz