«DALA ينسايد» تەلەگرام ارناسى «ۆەدومستۆوارالىق تەرگەۋ توبى ەكس-پرەزيدەنتتىڭ تۋعان ءىنىسى بولات نازارباەۆتىڭ ۇستىنەن تەرگەۋ جۇمىستارىن جۇرگىزىپ جاتقانىن» حابارلادى.

«ۆەدومستۆوارالىق تەرگەۋ توبى (ۇقق، انتيكور، قما) بولات نازارباەۆتىڭ مەملەكەتتەن كەڭ كولەمدە اقشا جىمقىرۋ فاكتىلەرىن جانە ەڭ باستىسى – «قاڭتار وقيعاسىن» ۇيىمداستىرۋعا قاتىسى بار-جوعىن تەرگەۋدە. بۇل تۋرالى ورگاندارعا جاقىن «DALA ينسايد» دەرەككوزى حابارلادى. ونىڭ ايتۋىنشا، قايرات ساتىبالدىنى تەرگەۋ پروتسەسسىنىڭ ەكونوميكالىق كەزەڭى اياقتالۋعا جاقىن جانە قازىرگى فوكۋس «قاڭتار وقيعاسىن» ۇيىمداستىرۋ بارىسىنا اۋىستى. تەرگەۋ وسى ىستەرگە بولات نازارباەۆتىڭ قاتىسى بار ما، سونى بىلگىسى كەلەدى»، - دەپ جازدى تەلەگرام ارناسى.

الايدا رەسمي باق-تا بۇل تۋرالى ايتىلعان جوق.

بولات نازارباەۆتىڭ «قاڭتار وقيعاسىنان» كەيىن قىرعىزستان ارقىلى ءباا-نە ۇشىپ كەتكەنى تۋرالى جاڭالىق تاراعان. قىرعىزستاننىڭ «24.kg» جاڭالىقتار سايتىنا 12 قاڭتاردا شىققان اقپاراتقا سايكەس، ەكس-پرەزيدەنتتىڭ ءىنىسى كورشى ەلدىڭ شەكاراسىنا جەكە كولىگىمەن كىرگەن.

«الەۋمەتتىك جەلىلەردە نۇرسۇلتان نازارباەۆتىڭ ءىنىسى بولات قىرعىز-قازاق شەكاراسىن كەسىپ وتكەنى تۋرالى قۇجات تاراپ جاتىر. قۇجاتتا بولات نازارباەۆ 2022 جىلعى 6 قاڭتار، ساعات 5:36-دا قىرعىزستان اۋماعىنا اۆتوكولىكپەن كىرگەنى كورسەتىلەدى. 24.kg-ءنىڭ سەنىمدى دەرەككوزدەرىنىڭ حابارلاۋىنشا، نۇرسۇلتان نازارباەۆتىڭ ءىنىسى شەكارانى «اق جول-اۆتوجول» (قىرعىزستان) - «قورداي — اۆتوجول» (قازاقستان) ءبوپ ارقىلى كەسىپ وتكەنى بەلگىلى بولدى.»بولات نازارباەۆ قىرعىزستان اۋماعىنا 6 قاڭتاردا كىردى. ول سول كۇنى «ماناس» اۋەجايىنان بىشكەك-دۋباي باعىتى بويىنشا ۇشىپ كەتتى»، - دەپ حابارلادى رەداكتسيا.

6 قاڭتار كۇنى قىرعىزستاننىڭ «ماناس» اۋەجايىنا نازارباەۆتاردىڭ جەكەمەنشىك ۇشاعى سانالاتىن Bombardier Global Express ۇشاعى ابۋ-دابيدەن كەلىپ قونعان. سول ءتۇنى بولات نازارباەۆ ۇشىپ كەتەدى. ماناس اۋەجايىنىڭ ءباسپاسوز حاتشىسى ءاليا قۇربانوۆا ۇشاق ىشىندە كىمنىڭ بولعانىن حابارلاماسا دا، 6 قاڭتاردا دۋبايدان بىشكەككە جەكە ۇشاق ۇشقانىن راستاعان.

وسى حاباردان كەيىن بولات نازارباەۆتىڭ قازاقستانعا ورالعانى تۋرالى اقپارات شىقپاعان. سوڭعى ۋاقىتتا باق بەتىنە بولات نازارباەۆتىڭ «قىسىمىنا ۇشىراعان» ازاماتتار شىندىعىن ايتىپ شىعىپ جاتىر.

الماتى وبلىسىنداعى «Almaty Steklo» ءزاۋلىم زاۋىتىنىڭ تەڭ قۇرىلتايشىسى جانە باس ديرەكتورى ءازىم ابدۋللاەۆ ءوندىرىس ورنىنان تۇسەتىن پايدانىڭ 50 پايىزىن ەكس-پرەزيدەنتتىڭ ءىنىسى بولات نازارباەۆ تارتىپ الىپ وتىرعانىن ايتقان. ءازىم ابدۋللاەۆتىڭ ايتۋىنشا، 2016 جىلى زاۋىت اشىلعاننان بەرى اي سايىن بولات نازارباەۆقا 250-300 مىڭ دوللور تولەپ وتىرعان. كاسىپكەر ءبىر عانا زاۋىت ەمەس، قاراساي اۋدانىندا ورنالاسقان «باحار» مەيرامحاناسىنىڭ، «ليكەر-ىشىمدىك شىعاراتىن شالقار -17» زاۋىتىنىڭ تۇسىمىنە نۇرسۇلتان نازارباۆتىڭ ءىنىسى ورتاقتاسقانىن ايتقان.

«ونىمەن بىرگە جۇمىس ىستەگەن 15 جىلدىڭ ىشىندە 60 ميلليون دوللور بەردىم»، - دەيدى ابدۋللاەۆ.

سونىمەن قاتار بىلتىردان بەرى قاماۋدا وتىرعان «Parmigiano Group» مەيرامحانالار جەلىسىنىڭ نەگىزىن قالاۋشى جانە الماتىداعى «Esentai City» جوباسىنىڭ اۆتورى الماس ابدىعاپپاروۆ جانە ونىڭ تۋىستارى بۇعان دەيىن «بولات نازارباەۆتىڭ ادامدارى» ولاردىڭ وتباسىنىڭ بيزنەسىن يەمدەنگەنىن مالىمدەگەن بولاتىن.

ءساۋىردىڭ بىرىندە بولات نازارباەۆ «تۇرمەگە جاپقان ازامات» تۋرالى «acca.media» سايتىنا ماقالا جارىق كوردى. ماقالادا بىلاي دەلىنگەن:

«بەرىكتاس اۋىلىندا ات جارىسى بولادى. جارىستا ەسبول جاپباسوۆتىڭ جۇيرىك تۇلپارلارى ءبىرىنشى بولىپ كەلىپ، ول ەكى كولىك ۇتىپ الادى. ونىڭ سامال اتتى جۇيرىگىنە بولات نازارباەۆتىڭ كوزى بىردەن تۇسەدى. نازارباەۆ سول كەزدەگى تالعار اۋدانىنىڭ اكىمى (2020 جىلى شىلدە ايىندا قايتىس بولعان) جولان وماروۆ ارقىلى جاپباسوۆتىڭ تۇلپارىن وزىنە بەرۋىن سۇراتادى. بۇرىنعى اكىم ەسبولعا «بولاشاقتا قيىندىققا تاپ بولماۋ ءۇشىن تۇلپاردى نازارباەۆقا بەرگەنى دۇرىس ەكەنىن» ايتادى. الايدا ەسبول بۇل ۇسىنىستان باس تارتادى. سول ءۇشىن ەسبول جاپباسوۆقا كونتراباندامەن اينالىسقان دەگەن جالا جابىلىپ، 14 جىلعا باس بوستاندىعىنان ايىرادى. «ءبىز تۋىسىمىزدىڭ ىزىنە تۇسكەنىن بىردەن تۇسىندىك. ءبىر كۇنى ەربول جوعالىپ كەتتى. ءبىز ىزدەي باستادىق. ونى ەكى اپتا بويى تابا المادىق. سوسىن بىزگە ۇقك قىزمەتكەرى حابارلاسىپ، ەسبولدىڭ قاۋىپسىز ۇيدە وتىرعانىن ايتتى جانە ونى جاقىندا ەركىنە قويا بەرەتىنىن ايتتى. بىراق ونى بوساتاتىن كۇنى ەسبولدىڭ جاڭادان سالىنىپ جاتقان ۇيىنە اۆتومات، كولىگىنە تاپانشا سالىپ قويادى. وسىلايشا ۇقك سۋىق قارۋلاردى ءوزى تاپقان بولىپ، سونى العا تارتىپ تۇرمەگە وتىرعىزدى»، - دەيدى ەسبولدىڭ تۋىسى ءادىلحان شىنتاسوۆ.

ايتا كەتەيىك، بيىلعى ناۋرىزدىڭ ورتاسىندا قارجى مونيتورينگى بولات نازارباەۆقا جانە نۇرسۇلتان نازارباەۆتىڭ كۇيەۋ بالاسى قايرات شارىپباەۆقا قاتىسى بار زاڭسىز ماينينگ فەرمالار تابىلعانىن حابارلاعان بولاتىن.

«تەكسەرۋ بارىسىندا 55 ماينينگ فەرماسى ءوز ەركىمەن جۇمىسىن توقتاتتى جانە جابدىقتارىن الىپ تاستادى. ولارعا قايتا باستاۋعا رۇقسات ەتىلمەيدى. 51 كومپانيا زاڭسىز جۇمىس ىستەدى. ولار ەلەكتر جەلىسىنە زاڭسىز قوسىلعان، ارنايى ەكونوميكالىق ايماقتاردا زاڭسىز ورنالاستىرىلعان، سالىق پەن كەدەندىك باج سالىعىنان جالتارعان. ولاردىڭ بارلىعى ەلەكتر قۋاتىنان اجىراتىلدى»، - دەپ حابارلادى قارجى مونيتورينگى اگەنتتىگى.

اگەنتتىكتىڭ حابارلاۋىنشا، ماينينگ جابدىقتارى وڭتۇستىك كورەيا، تۇركيا، گرۋزيا، سينگاپۋر جانە قىتايدان كونتراباندالىق جولمەن اكەلىنگەن. قىتايدان 2,8 ملرد تەڭگە سوماسىنا مىڭنان استام ماينينگ جابدىقتارى الماتىداعى ماينينگ فەرماعا كونتراباندالىق جولمەن اكەلىنگەن.

«قاڭتار وقيعاسىنان» كەيىن ەلىمىزدىڭ تۇكپىر-تۇكپىرىنەن بولات نازارباەۆتان ءزابىر كورگەن ازاماتتار باق بەتىنە شىعىپ، ونىڭ قياناتى تۋرالى ايتا باستادى. ەندەشە بولات نازارباەۆتىڭ ۇستىنەن تەرگەۋ جۇرگىزىلۋى بەك مۇمكىن.

Abai.kz