Donbasstaghy sheshushi shayqas aldynda Batys elderi Ukrainagha qaru jәne qarjylay kómekti arttyryp, naqty qoldaudy kýsheytti. Resey de  әskerin ózi basyp alghan aimaqtagh yaghny Ukrainanyng shyghysy men ontýstigine toptastyryp jatyr. Býginde Reseyding qolynda Lugansk pen Donesk oblysytarynyng bir bóligi, Herson qalasy men Mariupoli many bar. Mariupoli qalasynyng jartysy Resey әskerining qolyna ótse, jartysyn Ukraina әskeri tabandylyqpen qorghauda. 

Resey әskeri Ukrainanyng ýsh oblysynan sheginip ketti. Kiyev, Sum jәne Chernigov boyynda ýlken shyghyngha úshyraghan Resey sarbazdary Resey men Belarusi aimaghyna qaray ótip ketti. Artynsha olar Donbassta qayta toptasa bastady. Taraptar Donbass ýshin qandy shayqastar kýtip túrghanyn aitady.

Resey әskerining jospary da belgili boldy. Resey qorshauda jatqan Mariupolidi tolyq basyp alyp, Harikov qalasyna shabuyldy kýsheytpek. Sol arqyly eki baghytta shabuyl jasap, Donbasstaghy Ukrainanyng 60 myng jasaghyn qorshaugha aludy josparlap otyr. Eger Mәskeuding atalmysh jospary iske assa, onda artynsha Odessagha shabuyl jasap, Ukrainany tenizge shyghu mýmkindiginen aiyrudy kózdep otyrghan boluy kerek.

Ukraina әskerining basty mindeti Harikov qorghanysyn kýsheytip, Mariupoli qorshauyn búzyp, qalagha rezervtik kýshterdi jetkizu. Alayda ekinshi mindetti sheshu óte qiyn deydi mamandar. Mariupoli qalasyna jetu ýshin ashyq jatqan jazyqtyqpen ótu mindeti túr, al ol óz kezeginde rezervtik kýshterding qorshaugha týsip qalu qaupin arttyrady.

Donbass ýshin sheshushi shayqasta Resey әskeri men Ukraina jasaqtary barynsha dayyndyqty kýsheytti. Resey qosymsha rezervtik kýshterin toptastyrdy, al jaralanghan jәne aurugha shaldyqqan sarbazdaryn separatister qolynda aimaqqa әketuge tyrysuda. Sarapshylar kóktemgi әskerge shaqyrtylghandardy da úrys dalasyna jiberu mýmkindigi baryn aitady, al resmy Kremli ol aqparatty joqqa shyghardy. Resey Donbassta Ukraina әskerinen bes ese kóp kýshti toptastyrudy josparlap otyr.

Aqtyq aiqas aldynda Ukrainany Batys elderining qoldauy da kýsheye týsti. Keshe ghana Polisha, Estoniya, Litva, Latviya preziydentteri Kiyevke kelip, Zelenskiymen kezdesu ótkizdi. Taraptar qaru men qarjy beru mәselesin talqylap, naqty sheshimder shyghardy. Al bir apta búryn Úlybritaniya basshysy Boris Djonson Kiyevke arnayy saparmen kelip, Ukrainagha quatty qaru beretinin resmy mәlimdedi. Tipti ekonomikalyq birlestik sanalatyn EO Kiyevke qaru satyp alugha 500 mln euro qarjy bóletinin aitty. Búl ekonomikalyq odaqtyng sayasy sipatta sheshim qabyldaudy arttyrghanyn anghartady. Kiyevke kelgen Jozep Borreli «Kiyev Donbass aiqasyn qarumen sheshedi» dep mәlimdeme jasady.

AQSh biyligi Ukrainagha kómek kórsetu maqsatynda kezekti sheshimin jariya etti. Ol ýshin 800 mln dollar qarjy bólinude. Oghan 200 brondy әskery M113 kólikteri, 11 dana Miy-17 tikúshaqtary, 18 gaubisa, 300 dana Switchblade kamikadze drondary men 500 Javelin alynyp, Ukrainagha jiberiledi. Búl turaly Pentagon mәlimdedi.

Resey Donbassqa shabuyldy osy apta ishinde bastaydy degen boljam bar. Kremli 9 mamyrgha deyin qanday da bir mindetti oryndap, sol arqyly halyq aldynda úpay jinaudy oilastyruda.

Ashat Qasenghaliy

Abai.kz