Qazaqstan biyligi Reseylik «SBER» kompaniyalar tobymen «Qazaqstannyng sifrlyq tranformasiyasy» turaly kelisim jasaudan bas tartty. Búl turaly QR Sifrlyq damu, inovasiya jәne aerogharysh ónerkәsibi ministrligi mәlimdegen.

QR Sifrlyq damu, inovasiya jәne aerogharysh ónerkәsibi viyse-ministri Asqar Jambakinning aituynsha, ministrlik elektrondyq Ýkimetting qazaqstandyq platformasyn 2-3 jyldyng ishinde ózderi jasap shyqpaq.

Ayta keteyik, osyghan deyin Sifrlyq damu, innovasiya jәne aerogharysh ónerkәsibi ministrligi «Qazaqstannyng sifrlyq transformasiyasy boyynsha reseylik Sberbankpen kelisimge qol qoy mәselesi Sifrlyq damu ministrligining kýn tәrtibinde túrghan joq», - dep mәlimdegen edi.

Byltyr 3 qyrkýiekte Qazaqstannyng sol kezdegi premier-ministri Asqar Mamin men Sberbank basshysy German Gref Qazaqstandy sifrlandyru jobalary, sirflandyrudyng platformalyq ýlgisine jәne Data-Driven Government tújyrymdamasyna kóshu boyynsha yntymaqtastyq turaly memorandumgha qol qoydy. Búl kelisimge qol qoygha eki el Preziydentteri de qatysty. Joba 5 jylgha josparlanyp, qúny – 500 million dollar bolatyny aityldy.

Búl janalyq qoghamda qyzu talqygha týsti. Ýkimet tarapynan týsindiru júmystary jýrgizilmey, halyqtyng oiyn san-saqqa jýgirtti.

Kópshilik ózining sifrlyq qauipsizdigine alandady. Qazaqstandy sifrlandyru jobasyna nelikten Resey tandalyp alyndy degen súraq kópshilikting kókeyinde boldy. Kóp úzamay sifrlyq damu, innovasiyalar jәne aerogharysh ónerkәsibi ministri Baghdat Musin Sberdi seriktes retinde tandaudy kompaniyanyng bastapqy kodtardy beruge keliskendigimen týsindirdi, sonday-aq derekter bazasy Qazaqstan aumaghynda ornalasatynyn jәne Reseylik mamandardyng olargha qol jetkize almaytynyn aitty.

«Qazaqstanda «Sber» siyaqty auqymdy platforma joq ekenin algha tartyp, Reseyden dayyn platformany satyp alghan tiyimdi» ekenin jetkizdi.

«Búl sheshimge kelmes búryn biz jan-jaqty zertteu jýrgizdik. Ásirese, pandemiya bastalghaly beri qay elding qanday platformany qoldanatynyn zerttedik. Ras, múnday tehnologiyalar Google, Amazon, Facebook sekildi alpauyt kompaniyalarda bar. Alayda, olar ózderi qoldanyp jatqan tehnologiyany eshkimge bermeydi. Qyruar qarajatqa satyp alghannyng ózinde de ashyq kodtaryn úsynbaydy. Ashyq kod bizding baghdarlamashylar ýshin platformany әri qaray jetildirip, damytu, tehnikalyq qyzmet kórsetu jәne sýiemeldeu ýshin auaday qajet. Eger platformany ashyq kodsyz alatyn bolsaq, biz olardyng biznes modeliderine baghynyshty bolyp qalamyz. Onyng ýstine әrbir janartu, jetildiru ýshin biz taghy da qosymsha aqsha tóleuge mәjbýr bolar edik. Al «Sber» kompaniyasy bizge bәrin qoljetimdi etip, platformanyng barlyq komponentterining bastapqy kodtaryn kórsetedi jәne Qazaqstandaghy serverlerge ornalastyrady. Kelisim osynday», - dep pikir bildirgen.

Al, sol kezdegi Ýkimet basshysy Asqar Mamiyn: «Qazaqstan ýshin «Sberbank» platformasy sifrlyq transformasiyada jeke derekterdi qorghau jaghynan eng tiyimdisi», - degen bolatyn.

Qazaqstandyq IT mamandarynyng pikiri, halyqtyng syny elenbesten qabyldanghan búl sheshimge baylanysty júmystar 2022 jyldyng basynda bastalady dep boljam jasalghan. Alayda, Reseyding Ukrainagha basyp kirgeninen bastap Sberbank sanksiyalar astynda qaldy. Europadaghy júmysyn toqtatty.

Abai.kz