Týrkiyedegi tanysyma habarlastym:
– Týrkiya Respublikasynyng Konstitusiyasynda Mústafa Kemal Ata turaly arnayy bap bar ma?
– Joq, – dedi ol.
Ishki Qytayda, Beyjinde oqyghan aghalarymnan súradym:
– Jýngo memleketi – Qytay Halyq Respublikasynyng Konstitusiyasynda Mao turaly bap bar ma?
– Joq.
Sodan ózimizge – Ózbekstangha oraldym. Aytyp aitpay ne kerek, Islam әka da ózin ózbekting әkesi esebinde bilgen adam edi ghoy.

Ózbekstan Respublikasynyng Konstitusiyasy 1992 jyly 15 jeltoqsanda qabyldanghan eken. Sodan beride birer ózgerister men tolyqtyrular bolypty. Biraq Karimov turaly bap ta joq, sap ta joq.

Búl ýsheuinen kónilim qalyp, Týrkimenbashy eline tarttym. Sengenim senseng bóriktiler edi, olar da tauanymdy jyghyp, talabymdy qaytardy.

Konstitusiyasynda Saparmúrattyng da, Qúrbanqúldyng da aty-jóni erekeshe atalmaghan. Ony aitasyz, «Preziydent Týrkimenstannyng Konstitusiyasy men Milly Gengesh qabyldaghan zandardy búzatyn bolsa, oghan senimisizdik bildirilip, lauazymynan bosatylady» degen bap túr (75-bap).

Biylik basyna memlekettik tónkeris jasap, kýrespen kelgen Tayau Shyghys elderindegi әskery túlghalar da ózderine Konstitusiyadan bapanday bap saylap әuire bolmaghangha úqsaydy. Biraq izdene berdim. «Izdegen jeter múratqa» degen. Izdendim, taptym! Jasasyn Halyqtyq Demokratiyalyq Soltýstik Koreya Respublikasy!

Mýshtegin qisyq tistep otyryp Stalin men Molotov jasap bergen SK-ning Konstitusiyasy 1948 jyly 8 qyrkýiekten beri qatarynan birneshe ret: 1954 -1955 jyldary, 1972 jyly, 1992 jyly, 1998 jyly, 2009 jyly, 2010 jyly, 2012 jyly, 2013 jyly, 2016 jyly, 2019 jyly ózgertilip, tolyqtyrylypty.
Osy ózgertulerde Kim Chen Irdi Memlekettik qorghanys komiytetining (MQK) tóraghasy retinde tanu turaly, Kim Ir Senning qaytys bolghany turaly jәne ony Mәngilik preziydent dep moyyndau turaly, Kim Chen Irding biyliktegi qúzyretin arttyru turaly (MQK tóraghasy Koreya Demokratiyalyq Halyqtyq Respublikasynyng eng jogharghy basshysy bolyp tabylady), sodan keyin Kymsuandaghy Kýn sarayynan jandary saya tapqan әkeli-balaly Kim Ir Sen men Kim Chen Irding jatqan jerin korey halqy tәu etetin «Mәngilik ghibadathana» etu turaly baptar kezdesedi.

Ekinshi dýniyejýzilik soghystan keyin Europanyng otarynan azattyq alghan Afrika qúrlyghyndaghy elder de ózining tәuelsiz, bostan memleketin qúrugha úmtyldy. KSRO kýiregen song odaqqa mýshe respublikalardyng bәri derlik zamanauy memleket bolyp ýlgerdi. Biz de solardyng qataryndamyz. Erekshe aita qalarlyqtay eshtenemiz joq. Áytse de biz erekshelenudi erekshe jaqsy kóremiz. Endigi baghyt – Halyqtyq Demokratiyalyq Soltýstik Koreya Respublikasy. Solardy erekshe bir qarqynmen basyp ozsaq – ar jaghy miday jazyq.

Dәuren Quat

Abai.kz