Qazaqstan últtyq qauipsizdik komiytetining búrynghy tóraghasy Kәrim Mәsimovting qamau merzimi 6 mausymgha deyin úzartyldy. Búl jóninde ÚQK baspasóz qyzmeti habarlady.

Sayttyng jazuynsha, ÚQK tóraghasynyng búrynghy orynbasarlary Ánuar Sadyqúlov pen Dәulet Erghojinning de qamau merzimi úzarghan. Sәdiqúlov – 6 mausym, Erghojin – 13 mausymgha deyin qamauda bolady.

Biyl qantar basynda Qazaqstannyng shyghysy men ontýstigindegi narazylyqtargha beymәlim toptar aralasyp, arty qantógiske úlasty. Sol kezde preziydent Qasym-Jomart Toqaev Nazarbaevtyng kóp jylghy senimdi serigi, ÚQK tóraghasy Kәrim Mәsimovti ornynan aldy, ile-shala ol tútqyndalghan.

Onyng ýstinen qozghalghan qylmystyq iske "asa qúpiya" belgisi qoyyldy. Mәsimov ústalghannan biraz uaqyt ótken song oghan "biylikti kýshpen basyp alugha talpyndy", "qyzmet babyn asyra paydalandy" degen aiyptar qosa taghylghany mәlim boldy. Mәsimovpen birge onyng ýsh orynbasary da ústalghan. Búrynghy preziydent Núrsúltan Nazarbaevtyng nemere inisi, ÚQK tóraghasynyng birinshi orynbasary qyzmetinde úzaq otyrghan Samat Ábish te qyzmetten alyndy.

Abai.kz