Kóshede iyrelendep, «Pәleketterden qash, býgin de qarnym ash!» - dep kele jatqanmyn. Qazaqstannyng qúrmetti qayyrshysymyn ghoy. Sheneunikterge tike aitatyn shataghym bar, osynday halyq bergen ataghym bar.

Bir qarasam, kóshe jiyegine halyq kóp jinalypty. Ylghy semizder, bay-baghylandar! Áli de kóp, aghylghandar. Búlar ózi, neghylghandar? Osylay o-oylanyp túrghanymda, «qalalyq әkimshilikting qyzmetkerlerimiz» degen eki jigit meni dyryldatyp, ókpemdi syryldatyp, kóshe jiyegine shyghardy da, aldyma kishkentay stol qoyyp, ony jaynatyp tastady, ómirimde jep kórmegen uyldyryq, pissa, akulanyng eti deydi me, begometting quyrylghan beti dey me, tolyp ketti.

–Búl ne? –dep súradym men. –Keshiriniz, preziydent kele jatyr! –dedi әkimshilik ókili ókire jazdap. –Oghan mening qanday qatysym bar? –Halyqtyng túrmysyn, әl–auqatyn kóruge kele jatyr eken. –Men... Men qayyrshymyn... –Ákim tapsyrma bergen. Kórip túrsyz ghoy, baydyng balalary banan jep túr. Solardy jinadyq. Preziydent kele jatqanda, kýshenip túrynyz! Ishinizdi qampityp, úrtynyzdy tompaytyp. –Sosyn? –Sol ýshin qala budjetinen jiyrma myng tenge beremiz. Myna túrghandargha da aqsha bólindi. Segiz jýz million!

Quanyp kettim. Uyldyryqtan asap, kәuәppen bir jasap, tisimdi tisime qashap, oy bir toyghanym–ay! Janymdaghylardan estigenim, preziydent tipti, auyz sugha jarymay otyrghan auyldargha da barady eken! Bir kezde: «Preziydent kele jatyr!» – degen dauys shyqty. Júrt japa-tarmaghay qoldaryn búlghap túr. Sol qoldarynda qoydyn, týienin, biyenin, tauyqtyng pisken siraqtary! Halyqtyng jaghdayy jaqsy ghoy! Qúrmetti qayyrshy bolyp jýrgenime qatty úyalyp ketip, akulanyng etinen bir tistep, shaynamay júta saldym. Júta salyp, kýshenemin kelip, auzymdy tompaytamyn kelip. Kýshensem boldy, pyshsh etip jelim qúrghyr shyghyp kete beredi, kýshensem boldy, jelim shyghyp kete beredi. Qasymdaghylar qashyp ketti. Oibuu, mende qay bir jetisken asqazan bar deysiz?  Bir kezde preziydent avto kólikpen jәimen ótip bara jatty. Artynda avto sheru. – Biz bay elmiz, múnayly, múndy elmiz, biz baqyttymyz! –dedim men aiqaylap. –Halyqty qanaghan alpauyttar jasasyn! –dedi bireu kýnkildep qana. Preziydent qalanyng kórikti jerlerimen óte shyqty. Ol ketisimen, kәuәpti endi jey berip edim, janaghy jigitter keldi de: –Atauyndy jegir! –dep basymnan salyp qaldy. Aldymdaghylardyng bәrin jaypap jep tastady. Uәdeli aqshany súrap edim, eki sausaqtyng arasynan bas barmaghyn shyghardy. Búlar halyqty qashanghy aldaydy eken, a? Búlar preziydentti de jalghan aqparatpen qashanghy aldaydy, a? Keyin estidim, preziydentimiz keremet qoy, qalanyng kedeyler túratyn kóshesin aralapty. Onda siniri shyqqan, sausaqtaryn soryp túrghan kedey–kepshikterdi kóripti. Sóitip, olargha kónil bólipti. Al, premierdi, oblys, qala әkimin otstavkagha jiberetinin aitqanda, sheneunikter tiridey ólipti...

Múhtar Sherim

Abai.kz