Qashaghanda salynyp jatqan «GPC Investement» JShS gaz óndeu zauyty ýkimetting menshigine ótip, qúrylys júmysy memleketting qarjysyna jýrgiziletin boldy. Búghan deyin zauyt «QazaqGaz-dy» (búrynghy QazTransGaz) basqarghan eks-preziyedentting túnghysh qyzy Darigha Nazarbaevanyng «kýieui» Qayrat Shәripbaevting iyeliginde bolghan.

14 mausymdaghy Energetika ministrligi úsynghan Ýkimet qaulysynyng jobasynda «TAUBEREKEGROUP» JShS-ning syigha tartu sharty boyynsha «GPC Investement» JShS-ning (búdan әri seriktestik) jarghylyq kapitalyndaghy 100% qatysu ýlesin respublikalyq menshikke beru turaly úsynysy qabyldansyn. «Samúryq-Qazyna» últtyq әl-auqat qory AQ ornalastyrylghan aksiyalaryn tóleuge seriktestikting jarghylyq kapitalyndaghy qatysu ýlesterin beru», - delingen.

Petrocouncil basylymynyng mәlimetinde, «Shәripbaev NCOC kompaniyasynan ilespe gaz jetkizuge, sonymen birge Qazaqstannyng Damu Bankinen (QDB) GÓZ qúrylysyna kredit alugha qol jetkizgen», - dep jazylghan.

Qazaqstannyng Damu Banki bolsa, biraz uaqyt búryn GÓZ qúrylysyn sindikattalghan qarjylandyrugha qatysu mýmkindigin qarastyryp jatqanyn mәlimdegen edi. Al, NCOC qazirding ózinde «Bolashaq» atty múnay men gazdy dayyndau qondyrghysynan bastap GÓZ-ge deyin gaz qúbyryn salugha 50 million dollardan astam qarajat bólgenin aitty.

Sarapshylardyng oiynsha, Shәripbaevty «QazaqGaz» basshylyghynan ketken son, salynyp jatqan gaz óndeu zauytynda bir shiykilik bary belgili boldy.

Energetika ministrligi ózining bergen týsindirmesinde Shәripbaevtyng atyn atamaghan. Tek Preziydent Qasym-Jomart Toqaevtyn  ekonomikany monopoliyasyzdandyru jónindegi tapsyrmasyna sәikes, quaty jylyna 1,15 mlrd tekshe metrge jetetin zauytty memleket memleket menshigine berilip jatyr degendi aitqan.

«TauBerekeGroup" JShS «GPCInvestement» JShS (búdan әri – seriktestik) jarghylyq kapitalyna qatysudyng 100% ýlesin erikti jәne óteusiz beru niyetin 2022 jylghy 16 mamyrdaghy №14-45 hatynda bildirdi. Seriktestikting jarghylyq kapitalyndaghy qatysu ýlesin «Samúryq-Qazyna» últtyq әl-auqat qory AQ ornalastyratyn aksiyalardy tóleuge beru jobany iske asyrugha, tiyisinshe der kezinde zauyt qúrylysyn ayaqtap, paydalanugha beruge mýmkindik beredi», - dep týsindirdi ministrlik.

Atyraudyng Qashaghan ken ornynda salyna bastaghan zauyttyng qúrylysy byltyr jazda bastalghan. Qúny 860 million dollor túratyn gaz óndeu zauytynyng qúrylysyn alghashynda ýkimet Eni, Total, Shell, Exxon Mobil, CNPC, Inpex siyaqty iri kompaniyalargha tapsyrmaqshy bolady. Biraq keyinirek sol kezdegi Ýkimet basshysy Asqar Mamin zauytty jergilikti GPC Investment kompaniyasy salatynyn aitqan edi.

Qazaqstandyq biylik jeke kompaniya ýshin qolayly jaghday jasap berdi. «QazaqGaz» ben (búrynghy «QazTransGaz»)  «QazMúnayGaz» últtyq kompaniyasy jәne birneshe sheteldik energetikalyq alpauyttar kiretin NCOC konsorsiumy kelisimge qol qoydy. Onyng sharttary boyynsha konsorsium «QazaqGaz-gha» ilespe gazdy 2042 jylgha deyin tegin beredi jәne onyng utilialymyna qosymsha aqy tóleydi. Al, «QazaqGaz» óz kezeginde shiykizatty GPC Investment zauytyna jiberedi. Zauyt shiykizatty óndep, kýkirtti, súiytylghan tabighy gazdy jәne gaz kondensatyn shetelge eksporttaytyn bolady.

Esterinizge sal keteyik, Qayrat Shәripbaev «QazaqGaz» basshylyghynan biylghy Qantar oqighasynan keyin ketken. 2 mausymda «QazaqGaz» Basqarma tóraghasynyng búrynghy mindetin atqarushy Ibulla Serdiyge izdeu jariyalandy. Serdy Shәripbaev kompaniya basshysy qyzmetinen ketkennen keyin 14 Qantarda «QazTransGaz» basshysy lauazymyna taghayyndalghan bolatyn.

Alayda Serdy búl qyzmette úzaq otyrghan joq, 22 aqpannan «QazaqGaz-dyn» basshylyghyna Sanjar Jarkeshov keldi.

Abai.kz