Qantar oqighasy kezinde 232 adam qaza bolghan, taghy alty adam azaptaudan ólgen. Múny 29 mausymda Qazaqstan bas prokurorynyng orynbasary Áset Shyndәliyev mәjilis dәlizinde aitty. Resmy mәlimet boyynsha, Qantar oqighasynda ólgenderding jalpy sany — 238.

Áset Shyndәliyev azaptaugha baylanysty qúqyq qorghau organdarynyng toghyz qyzmetkeri ústalghanyn, onyng segizi - ÚQK, bireui - polisiya qyzmetkeri ekenin aitty. "Rúqsat etilmegen әdister qoldanyp, tergedi" degen aiyppen 15 adam qamaugha alynghan.

Búghan deyin Qazaqstan biyligi Qantar oqighasy kezinde 230 adam qaza bolghanyn, taghy da segiz adam azaptaudan ólgenin, ol boyynsha qylmystyq is qozghalghanyn mәlimdegen.

20 mausymda bas prokuratura ókili ÚQK Almaty oblystyq departamentining eki qyzmetkerin tergeu ayaqtalghanyn habarlaghan. Olargha "qamaudaghy adamdy úryp-soghyp óltirdi" degen aiyp taghylghan.

Búghan deyin bas prokuratura Qantar oqighasy kezinde Almaty oblysyndaghy tergeu kezinde ystyq ýtikpen azaptalghandar isi boyynsha 25 adam zardap shegushi retinde tanylghanyn habarlaghan bolatyn.

Qantar oqighasy kezinde jәne odan keyin myndaghan adam ústalyp, qamaugha alynghan. Qamaudaghy azaptaulargha baylanysty shaghym kýrt kóbeygen song Qazaqstan biyligi "rúqsat etilmegen әdistermen tergeuge" baylanysty 200-den astam qylmystyq is qozghalghanyn mәlimdegen.

Abai.kz