«Ózenmúnaygaz» AQ «QazMúnayGaz» últtyq kompaniyasynyng qoldauymen jәne memlekettik organdarmen birlesip «Jarqyn bolashaq» jobasyn iske qosady. Atalghan әleumettik jauapkershilik joba ayasynda Janaózendegi daryndy oqushylardyng elimizding ýzdik mektep-internattary men kolledjderinde oquyna qoldau kórsetiledi. Osy jyldan bastap әri jyl sayyn 1000 juyq janaózendik jastar naqty ghylymdardy terendetip oqytudan bastap shygharmashylyq jәne sporttyq talanttaryn damytugha deyin týrli baghyttar boyynsha súranysqa ie mamandyqtardy oqugha mýmkindik alady. Joba 2025 jylgha deyin josparlanghan. Osy kezeng ishinde 4 myngha deyin oqushy bilimderin jetildire alady.

«Jarqyn bolashaq» jobasynyng maqsaty – sapaly bilim alugha qoljetimdilikti qamtamasyz etu, oqushylardyng bilim sapasyn, sonday-aq olardyng enbek naryghynda bәsekege qabilettiligin arttyru.

Joba osy jyly 2 baghytty qamtidy. Atap aitqanda birinshisi- oqushylardyng akademiyalyq útqyrlyghyna mәn berilse, ekinshisi-súranysqa ie mamandyqtar boyynsha kolledjderde  bilim alu iske qosylady. Búl rette respublikalyq mamandandyrylghan mektep-internattarda oqu ýshin memlekettik kvotalar bólu qarastyryluda. Al osy mektep-internattarda jәne kolledjderde aqyly negizde oqu Últtyq kompaniya esebinen jýrgiziledi. Oqu aqysymen qosa, túratyn oryny, jolaqy jәne basqa da shyghyndar óteledi.

Janaózendik oqushylar Qazaqstannyng týrli qalalary men aimaqtaryndaghy mektep-internattar men tehnikalyq jәne kәsiptik bilim beru mekemelerin (kolledjder) tandap, irikteuden óte alady. Bilim beru mekemelerining arasynda Aqmola oblysyndaghy daryndy balalargha arnalghan IQanat High School of Burabay mektep-pansionaty, QR iri qalalaryndaghy fizika-matematika baghytyndaghy joghary bilikti mektep-internattar, sport baghytyndaghy mektepter (olimpiadalyq rezerv mektepteri), QR iri qalalaryndaghy «Jas maman» baghdarlamasy boyynsha janghyrtylghan kolledjder, óner salasyndaghy kolledjder jәne әskery mektepter jәne «Jas úlan» kolledjderi bar. Mektep-internattargha qabyldau jәne kolledjderge týsu jasy oqu oryndarynyng ishki erejelerimen retteledi.

Búl rette oqu oryndarynyng bilim beru jýiesi, onyng ishinde jayly jataqhana, tamaqtanu obektileri, medisinalyq qyzmet, bilikti psihologiyalyq-pedagogikalyq jәne basqa da qyzmetter barlyq talapqa say boluy tiyis.

Baghdarlamagha seriktes bolghan mektepter men kolledjderding arnayy komissiyalary Janaózendegi balalar arasynan aldyn ala irikteu júmystaryn jýrgizedi. Sonday-aq mektep oqushylary men olardyng ata-analaryn oqu baghdarlamalarymen tanystyru maqsatynda bilim beru mekemelerining jәrmenkeleri ótkizilmek.

Ayta ketsek, baghdarlamagha qatysatyn mektepter men kolledjderding tizimi aldaghy uaqytta keneytiletin bolady. Sonday-aq joba ayasynda kolledj týlekterin ónirlerde júmysqa ornalastyrudy qamtamasyz etu qolgha alynbaq. Jobanyng basty maqsaty balalardyng sapaly bilim alyp, bolashaqta bilikti maman bolyp qalyptasuyna jol ashu.

Abai.kz