Keyingi kezderi Qostanayda kóshe әnshileri qaptap ketti. Olar shahardyng ortasynan oiyp túryp oryn alady da, apparatyn qondyryp, qolyna mikrofonyn alyp, neshe týrli janrda әulete jóneledi. Aldaryndaghy qaghaz qorapqa birshama aqsha jinalyp qalady. Oghan ózderi de mәz, halyqta ta riza. Tek bir jaman jeri, olardyng bәri tek bir tilde ghana, kórshimizding ózderi "úly" dep sanaytyn orys tilinde ghana damylsyz shyrqalyp jatady. Tipti búghan bizding de qúlaghymyz ýirenip, eriksiz tyndap kete beretinbiz.

Al býgin bir ghajayypty kórip, óz qúlaghyma ózim senbedim. Qalyng orysy qaptaghan qalamyzdyng qaq ortasynda jandy dauyspen shyrqalghan qazaghymnyng ghajayyp sazyn óz qúlaghymmen estip, birazgha deyin senbey túrdym. Sóitsem sayabaqtyng janynda, osyndaghy mәdeniyet basqarmasy ghimaratynyng janynda qazaqtyng әp-әdemi jigiti qazaqtyng sazdy әuenderin qúiqúljytyp túr. Quanyshym qoynyma syimady. Beyne bir Reseyden elge oralyp, elimning әnderimen qayta tanysqanday boldym. Sosyn janyna baryp tanystym. Aty Asqar, Almaty oblysynyng tumasy. Qostanaymen tanysugha kelipti. "Tabys qalay?" desem, "Jetedi ghoy" dep biyazy kýlimsireydi. Áy, qaydam, Qostanaydyng orys bolyp ketken qazaghynan qanday myrzalyq kýtersin? Múny osy jerde otyrghan bir-eki kisi men birer kelinshekten de kóruge bolady. Men solardyng bir-ekeuinen: "Myna jigitterge birdene berdinder me?" desem, "Biz múndaylardy teledidar men radiodan estip jýrmiz ghoy", - dep qarap otyr. Endi búghan ne dersin?

Al men bolsam, qaltamdaghy 500 tengeni qorjynyna saldym da, Asqargha ónerde tabys tilep kete bardym. Mýmkin, sarandyq tanytqan da shygharmyn?

Jaybergen Bolatov

Abai.kz