Tirkelmegen Qaharman qúqyq qorghau toby biylikten Qantar oqighasy kezinde qaza bolghandar jayly tolyq mәlimet jariyalaudy talap etti. Bir kýn búryn bas prokuratura qandy qyrghyn ótkennen song jeti aidan keyin Qantar qúrbandarynyng tizimin jariyalaghan.

Alayda tizimde 238 marqúmnyng familiyasy men esimining inisialy ghana jazylghan. Marqúmdardyng qalay, qanday jaghdayda qaza tapqany jayly aqparat joq.

"Beybit azamattardy jappay atyp, azaptaghany ýshin jeke sanksiyadan jaltaru maqsatynda jәne ony teksermesin dep biylik tolyq tizimdi jariyalamay otyr" dep jazdy Qaharman toby 17 tamyz kýngi habarlamasynda.

Top ókilderi habarlamada qaza bolghandardyng tolyq aty-jóni men tughan jyly, tughan jeri, qanday jaghdayda ajal qúshqany jayly mәlimet jariyalaudy talap etken. Búghan qosa, olar qaza bolghan adamnyng qaysysy kýshtik qúrylym ókili, qaysysy beybit túrghyn nemese beybit týrde narazylyqqa qatysqanyn ajyratyp kórsetu qajettigin aitty.

"Ar.Ruh.Haq" qoghamdyq qorynyng preziydenti, qúqyq qorghaushy Baqytjan Tóreghojina da bas prokuratura tizimi jariyalanghannan keyin tizimning tolyq emestigin algha tartty.

"Almatydaghy tәrtipsizdik kezinde keyingi birneshe jylda Qazaqstanda túrghan Izraili azamaty 22 jastaghy Levan Kogeashvily atyp óltirildi. Ol nege qaza bolghan 238 adamnyng arasynda joq? Ol tizimde 239-y bolyp túruy tiyis pe? Biz óz tizimimizdi tekserip, bas prokuraturanykymen salystyrdyq. Juyrda qúqyq qorghaushylar jinaghan tizimdi jariyalaymyz: Aty-jóni, qala, jasy, qaza bolghan kýni" dep jazdy Tóreghojina Facebook paraqshasynda.

Bas prokuratura әzirge qúqyq qorghaushylardyng talaptaryna reaksiya bildirmedi. Qúqyq qorghaushy Baqytjan Tóreghojina jetekshilik etetin Qantar2022 eriktiler toby búghan deyin qaza bolghandardyng tizimin óz betinshe anyqtap, jariyalaghan edi. Onda keminde 239 adamnyng aty-jóni kórsetilgen.

Abai.kz