Qazaqstandyqtar halyqqa qyzmet kórsetu ortalyqtarynyng birinde mobilizasiyadan qashqan Reseylikterge ystyq tamaq pen shay taratty. Búl turaly Atameken business arnasynyng Facebook paraqshasynda jariyalanghan beynematerialdan kóruge bolady.

Kórinisti beynekameragha týsirgen kuәgerding aituynsha, halyqqa qyzmet kórsetu ortalyghyna tegin dastarhan jayyp, kórshi elding túrghyndaryn jarylqap jýrgen jergilikti halyq. Olar kýnde qolynda baryn aparyp, osylay qújat rәsimdeuge kelgen Reseylikterge ystyq yqylasyn bildiredi eken.

– Qoldyng túshparasy, qazaqtyng bauyrsaghy, manty, tәttiler men ystyq shay, kofe әkelgen. Jigitter qaydan bolasyndar?

– Reseydenbiz.

–  Búryn qazaqtyng bauyrsaghyn jep kórding be?

– Joq.

– Mine, búl qazaqtyng últtyq taghamy. Qysylmay alynyz. Neshe týrli ashuly sózder jazylyp jatsa da, qazaq halqy әrqashan ózining qonaqjaylyghyn úmytpaghan. Ómirdi ystyq-suyghyna qaramastan qazaqtar qonaqjay halyq bolyp qala beredi. Orystar men qazaqtargha janjaldasuydyng keregi joq, -deydi kuәger Reseylik azamatqa.

Beynematerial astynda «Qytay men Mongholiyadan kelgen qandastargha nege osylay qúrmet kórsetpeysinder, óz qazaghyndy nege jarylqamaysyndar, namyssyzdar» degen saryndy pikirler kóp jazylghan.

Býginde Putinning mobilizasiyasynan qashyp, Orta Aziya elderine aghylghan reseylikter sany kóp. Qazaqstangha resmy emes mәlimetter boyynsha 100 mynnan artyq Resey túrghyny kelgen. Olar, әsirese, Reseymen shekaralas Soltýstik, Batys Qazaqstan aumaghyna ornalasyp jatyr. Jergilikti halqy 300 myng bolatyn Oral qalasyna 50 myng reseylik kelgen.

Búghan deyin, Oral qalasynda mobilizasiyadan bas saughalaghandargha túratyn jer, ishetin tamaq tauyp beru ýshin erikti toptar úiymdastyrylghan bolatyn. Keybir qaltaly azamattar kelushilerdi óz esebinen tamaqtandyrsa, qalada pәter tapqansha jatyn oryn retinde kinoteatr bosatyp berildi. Reseylik AHQO analogy retinde HQKO-da qosymsha bólimsheler ashyldy, ol jerde reseylikter tirkelip, tipti júmysqa ornalasugha ótinish bere alady. Reseylik dәrigerler qosymsha liysenziyasyz resmy týrde júmysqa qabyldandy.

Reseylikterding jappay aghyluynan eldegi jalgha beriletin pәter aqylary kýrt kóterilgen. Áleumettik jelilerde «ýy qojayyndarynyng pәterdi sheteldikterge joghary baghamen beru ýshin, túryp jatqan qazaqstandyqtardy pәterden kóshirip jibergen oqighalar» men kóshede jýkterimen sandalghan studentter turaly  aqparattar tarady.

Ayta keteyik, býginde 43 payyz qazaqstandyqtyng ýii joq, olar әrtýrli sebeptermen pәter alugha shamasy kelmegen son, baspanany jaldap túrady. Últtyq statistika burosynyng resmy derekteri boyynsha, elimizde bir jyl ishinde qaytalama túrghyn ýy baghasy 26,8% - gha, jana túrghyn ýidi satu baghasy 19,5% - gha, jaldau aqysy 21% - gha qymbattaghan.

Abai.kz