Qazaq tilin qorlaghan kәsipker Ramili Muhoryapovtyng ýstinen qylmystyq is qozghaldy. Búl turaly jurnalist Kýltegin Aspanúly ózining Facebook paraqshasynda jariyalady.

«Al, dostar, Ramili Muhoryapovtyng mәlimdemesine qatysty aryz boyynsha qylmystyq is qozghaldy. Almaty qalasynyng polisiya departamenti Ekstremizmge qarsy is-qimyl basqarmasy 20 qazanda QR Bas prokuraturasy men Almaty qalasynyng prokuraturasyna týsirgen aryzyma qylmystyq is ashqany jayly jauap beripti.

Almaty q. PD EQISB bastyghynyng mindetin atqarushy D.E.Abikulov qol qoyghan hatqa sensek, PD Tergeu basqarmasynyng QR Qylmystyq kodeksining 174-babynyng (“Áleumettik, últtyq, rulyq, nәsildik, tektik-toptyq nemese diny alauyzdyqty qozdyru”) 1-bóligimen sotqa deyingi tergep-tekserudi bastaghan.

“Tergelip jatqan qylmystyq is shenberinde psihologiyalyq-filologiyalyq SARAPTAMA taghayyndaldy, onyng nәtiyjeleri boyynsha prosessualdyq sheshim qabyldanatyn bolady”, - deydi Ábiqúlov.

Búl aiyptyng jazasy zanda ýsh núsqada kózdelgen: 2 myn-7 myng AEK aiyppúl, 2-7 jyl aralyghynda bas bostandyghyn shekteu nemese aiyru. Ayypty dep tanylsa, sot mәn-jaydy esekere otyryp osy ýsheuining bireuin tandaydy”,-dep jazdy jurnalist.

Ayta keteyik, búghan deyin Chocofamily holdingining basshysy Ramili Muhoryapov Almaty qalasynda reseyliktermen ótken jiynda «qazaq tilinde sóileu – mәdeniyetsizdikting belgisi» degendi aitqan. Onyng sózi qazaqstandyqtardyng ashu-yzasyna tiyip, qoghamdyq rezonans tudyrdy. Keyin Muhoryapov óz sózi ýshin keshirim súrady.

«Jana Qazaqstan» deputattar toby da kәsipkerding sózin tekseru kerektigin aityp, Bas prokuror Berik Asylovqa hat joldaghan bolatyn. Deputattar Bas prokurordan Muhoryapovqa QR Qylmystyq kodeksining 174-baby boyynsha (“Áleumettik, últtyq, rulyq, nәsildik, tektik-toptyq nemese diny alauyzdyqty qozdyru”) shara qoldanudy súrady.

Abai.kz