Tehasta tuyp-ósken Marion Luna Brem 17 jasynda әskery adamgha kýieuge shyghady. Bir jyldan song túnghysh úly, bes jyldan song ekinshi úly dýnie esigin ashty. Amerikalyq otbasy tatu-tәtti ómir sýredi.

1984 jyly Luna Brem 30 jasqa tolady. Ókinishke qaray, keyipkerimizde eki jaqty onkologiya anyqtalyp, ol birneshe ota jasatady (Giynekologiyalyq jәne anaryn alyp tastau boyynsha). Osydan keyin himioterapiya bastalady. Sonyng saldarynan Marion taz bop qalady. Dәrigerler oghan eki-ýsh jyldyq ómiring qaldy dep boljam aitady. Kýieui bar qiyndyqty kóre túryp, Mariondy tastap ketedi. Úldarynyng ýlkeni 12-de, kishisi 7-de bolady. Eshqashan júmys istemegen jas kelinshek jalghyz qalady. Onyng ýstine otagha tólenetin biraz qarjy moynyna qaryz bolyp ilinedi.

Ýy tirliginen asyp eshtene istep kórmegen әiel balalaryn qalay asyraymyn dep oilanady. Bir kýni basy qatty auyryp, vannada ústamasy ústap qalady. Sóitip jatqanda asýiden úldarynyng kýlgen dauysyn estiydi. Sol sәtte miynda bir nәrse qosylady. Qaytsem de dertimnen sauyghamyn dep ornynan túrady.

Marion kólik satudan jaqsy tabys tabugha bolatynyn jaqsy biletin. Ol avtodillerlerge baryp óz qyzmetin úsynady. Biraq búl salada tek er adamdar ghana júmys isteytinin bayqaydy. Ol eki apta ishinde 16 adamnan joq degen jauap alady. Strategiyasyn auystyrmasa ýmiti ýziletinin sezgen ol 17-shi ret júmys súraudyng ornyna júmys berushige: «Sening kompaniyang maghan múqtaj, meni alsan, tabysqa kenelesin» dep kesip aitady. Ony júmysqa alady.

Ol kólik satushy әiel retinde erlerge qaraghanda birshama artyqshylyghyn sezinedi. Kólik alugha kelgenderding júbaylaryna qanday kólik alu qajetin týsindirip otyrady. Al erkek satushylar kóbine kýieulerdi satyp alugha kóndiruge tyrysatyn-dy.

Alghashqy enbek jyly Luna Brem jyl satushysy degen ataqty alady. Oghan erler taghatyn Roleks saghatyn qosyp beredi. Ony tek er adamdargha ghana beredi eken. Sol sәtte dәrigerler onyng onkologiyasy remissiyagha týskenin habarlaydy. Marion kýsh jinay bastaydy.

Odan keyingi eki jyl óte tabysty bolady. Ol ózin bastyq etip qoydy úsynady. Biraq júmys berushi «sen kólik satudan ketsen, payda týspey qalady» dep onyng úsynysyn qabyldamay tastaydy.

Biraq Marion jana júmys izdeuge shyghady. Eki aptadan song basqa bir avtodiller ony ózi qalaghan lauazymgha júmysqa alady. Sodan bastap onyng lauazymy kýn ótken sayyn óse beredi.

Taghy eki jyl ótkende ózi de avtodiller bolugha qarjy jinaudy bastaydy. Bar-joghy $800 000 jetpey túrdy. Búl ol ýshin týske kiretin soma bolatyn. Marion taghy da oilanady. Biraq bilek sybana kirisedi. Biznes-jospar jazyp, oghan ózining ómirbayanyn qosyp, investor tauyp beretin 50 auditorlyq kompaniyagha taratady.

Eki aptadan song investor tabylady. Luna Brem ózining avtosalonyn ashady. Chrysler kólikterin satumen shúghyldanady. Sóitip, 1989 jyly jýrek taghylghan «Love Chrysler» saudagha shyghady. «Búl jay jýrek emes, búl bizding adamdardyng jýregi, biz Tehasqa mahabbatymyzdy arnaymyz» degen úranmen óz isin bastaydy.

Marionnyng talpynysy eselep qaytty. Býginde onyng obyry jazyldy. Eki avtosalony bar. Jyldyq ainalymy $45 mln. dollar. Kitap jazudy únatady. Otyz jasynda kýrdeli ota jasatuy, kýieui tastap ketui bar, dәrigerler óledi dep kýn sanaghan adam emdelip, óz isin bastap, milliondap tabys tapqany tanqalarlyq jaghday ma? Áriyne!

Ol úldarynyng dauysyn estip, óz ómirin qolgha aldy. Arzan parik kiyip, erlerding әlemine qadam basty. Úldaryna búryn-sondy bere almaghan baqytty balalyq shaq syilady.

«Keyde jay esik qaghu azdyq etedi. Keyde esikti syndyryp kiru kerek» deydi Marion.

Audarghan Shynar Ábilda

Abai.kz