Preziydent Qasym-Jomart Toqaev «QazaqGaz» ÚK» AQ basqarma tóraghasy Álibek Jamauovty qabyldady.

Memleket basshysyna últtyq kompaniya qyzmetining 2026 jylghy nәtiyjeleri jәne aldaghy jyldargha arnalghan jospary jóninde esep berildi.

Preziydentke túrghyndardy jәne el ekonomikasyn tabighy gazben qamtamasyz etu, sonday-aq QazaqGaz últtyq kompaniyasynyng 2026-2027 jyldardaghy jylytu mausymyna tolyq dayyndyghy turaly mәlimet úsynyldy.

Álibek Jamauov Memleket basshysynyng geologiyalyq barlau júmystaryn jandandyru jónindegi tapsyrmasyna sәikes, Shalqar, Saraljyn, Maldybay, Soltýstik-2, Soltýstik-1 jәne Aqqúdyq, Pridorojnoe uchaskelerinde júmys jýrgizilip jatqanyn jetkizdi.

Qasym-Jomart Toqaevqa kompaniyanyng iri infraqúrylymdyq jobalaryn iske asyru barysy bayandaldy.

Quaty jylyna 1 milliard tekshe metr kógildir otyn óndeuge jetetin Qashaghan gaz óndeu zauytynyng qúrylysy jalghasuda. Óndiris nysanyn paydalanugha beru merzimi 2027 jyldyng III toqsanyna josparlanghan.

Beyneu – Bozoy – Shymkent magistralidyq gaz qúbyrynyng ekinshi jelisin salu jobasy boyynsha injenerlik jobalau, jabdyqtar men materialdardy satyp alu júmystary qolgha alynyp, qúrylys-montajdau kezeni bastaldy.

Jylyna 2,5 milliard tekshe metr gaz óndeuge qauqarly Qashaghan gaz óndeu zauyty jәne jylyna 5 milliard tekshe metr gaz óndeytin Qarashyghanaq gaz óndeu zauyty jobalary boyynsha ERS-merdigerler anyqtaldy.

Sonday-aq «QazaqGaz» ÚK» AQ basqarma tóraghasy salagha sifrlyq sheshimder engizu jóninde aqparat berdi.

Aqyl Energy bastamasy ayasynda jasandy intellekt pen derekterdi taldau elementterin qoldana otyryp, gazben jabdyqtaudy esepke alu jәne basqaru ýderisin sifrlandyru jýzege asyrylyp jatyr.

Gazdy esepke alugha arnalghan 1,3 millionnan astam aspap intellektualdy eseptegishterge kezen-kezenimen auystyryluda.

Sonymen qatar Memleket basshysy últtyq kompaniyanyng josparymen tanysty.

Soghan sәikes, soltýstik ónirlerge – Kókshetau jәne Petropavl qalalaryna kógildir otyn jetkizu, gaz-motorly otyn naryghyn damytu, Rudnyy qalasynda jylyna 50 myng tonna súiytylghan tabighy gaz óndiretin az tonnaly zauyt salu, 4-shi jerasty gaz qoymasynyng qúrylysyn jýrgizu júmystary bastaldy.

Kezdesu sonynda Preziydent jylytu kezeninde túrghyndardy jәne ekonomikany kógildir otynmen túraqty qamtamasyz etu, tauarly gaz qoryn keneytu baghytyndaghy júmystardy jalghastyrudy tapsyrdy.

Abai.kz