Qazaqstan azamattyghyn alatyndar memlekettik til biluden emtihan tapsyrady. Búl turaly QR Premier-Ministri Álihan Smayylov mәlimdedi.

Inform.kz habarlauynsha, býgin Senattyng jalpy otyrysynan keyin ótken baspasóz mәslihatynda tilshiler Ýkimet basshysynan memlekettik tildi bilmeytinderge Qazaqstan azamattyghyn bermeytin zang qabyldau mýmkindigine qatysty súraq qoydy. Osy orayda búl baghyttaghy júmystar qalay jýrgiziletinin súraldy.

«Tiyisti zannamagha ózgerister qaralyp jatyr. Osy normalar Ýkimette kelisu satysynan ótude. Jalpy, búl normalardy qoldaymyz. Sondyqtan osynday ózgeristerdi zannamagha engizu kerek dep sanaymyz», - dedi Á. Smayylov.

Búl túrghyda ol atalghan ózgerister halyqaralyq tәjiriybege sýienip dayyndalghanyn atap ótti.

«Kóptegen elde azamattyq alu ýshin memlekettik tildi jәne sol elding tarihyn bilu kerek, sonday-aq tiyisti emtihan tapsyru mindetteledi. Germaniyada, Týrkiyada, Kanadada, Reseyde jәne basqa da memleketterde osynday talaptar bar. Ol talaptar ayasynda azamattyq alatyn adamdar sol qoghamgha tez beyimdelip ketuine yqpal etedi. Sondyqtan tiyisti emtihan tapsyru kerek dep oilaymyz, yaghny azamattyq alatyndar búl talaptargha say boluy qajet», - dedi Premier-Ministr.

Sonymen qatar Ýkimet basshysy keybir sanattargha búl talaptar qoldanylmauy mýmkin ekenin jetkizdi.

«Etnikalyq qazaqtargha jәne kәmeletke tolmaghandargha, sonday-aq halyqaralyq sharttargha sәikes jenildetilgen tәrtippen azamattyq alatyn adamdargha atalghan talaptar qoldanylmaydy. Osy orayda Qazaqstanda jaqyn tuystary túrsa nemese júbayy Qazaqstan azamaty bolsa, sonday-aq elimizge enbegi singen adam bolsa, onda tiyisti sheshimmen jenildetilgen týrde osy adamdar azamattyq ala alady», - dedi Álihan Smayylov.

Onyng sózine qaraghanda, Ýkimettegi kelisu satysynan ótkennen keyin, búl qújat jaqyn arada Parlamentting qarauyna týsedi. Búdan búryn habarlanghanday, memlekettik tildi bilmeytinderge Qazaqstan azamattyghyn bermeytin zang qabyldanady.

Abai.kz