Qasym-Jomart Toqaev býgin Almaty qalasy júrtshylyghymen kezdesu ótkizdi. Kezdesu barysynda Memleket basshysy Almatydaghy Qantar oqighasy turaly aitty.

«Elimizding altyn besigi – Almatyny qiratyp jatqany osy qalanyng perzenti retinde mening de janyma batty. Degenmen, dәl sol sәtte abdyrap, uaqyt úttyrugha esh qaqymyz bolghan joq. Onda әbden dandaysyp ketken qaraqshylar qalamyzdy kýl-talqan eter edi.

El taghdyry syngha týsken jauapty sәtte halqymyz myzghymas birligi men qaytpas qaysarlyghyn tanytty. Memlekettigimizdi saqtap qalu ýshin biz qanday tәuekelge de baratynymyzdy aiqyn kórsettik. Sol qiyn kýnderde býkil Qazaqstan halqy almatylyqtardyng tileuin tiledi. Ókinishke qaray, qazir keybireuler qylmystyq әreketti halyq kóterilisi dep aqtaugha tyrysyp jýr.

Taghy da aitamyn: halyqtyng beybit sherui men qaraqshylar jasaghan qandy qylmystyng arasyn ajyrata bilu kerek. Biz jedel jәne batyl әreket jasaghannyng arqasynda el ishinde dereu tәrtip ornattyq. Qabyldaghan sheshimderimiz jәne is-әreketimiz býkil dýnie jýzinde týsinistikpen moyyndaldy, tipti, qoldau tapty», - dedi.

Abai.kz