Qarashadan beri Qazaqstannyng sayasy aurasy qyzyp túr. Oghan joghary biyliktegi sayasy nauqan, qys kirisimen syr bergen eski jýiening qordalanghan ekonomikalyq mәseleleri tamyzdyq boluda.

Esesine naqty mәseleden góri parlamettegi «Jana Qazaqstan» tobynyng deputattary Erlan Sayrovtyng týkirigi, Edil Janbyrshinnyng eski jazbasy hit boluda. Eski oppozisionerding de ekpini olardan týk te kem týsip jatqan joq.

Búryn Semey, Pavlodar oblystarynyng әkimi bolghan, 2000-jyldardyng basynda «Qazaqstannyng demokratiyalyq tandauy» úiymyn qúryp, artynan «qyzmet babyn asyra paydalandy» dep jeti jylgha sottalghan sayasatker Ghalymjan Jaqiyanovtyng da dualy auzynan shyqqan әr sózi júrttyng qyzu talqysyna týsude.

Múnyng aldynda YouTube jelisindegi «Giyperborey» kanalynyng jurnalisti Ásem Japiyshevagha bergen súhbatynda aitylghan: «Darigha Nazarbaeva sayasatqa aralasam dese, qoldau kerek. Óitkeni, onyng ózining qylmys jasaghany bolmasa, ony nege sayasatqa aralastyrmaydy. Mýmkin onyng aitar pikiri bar shyghar. Mýmkin onyng qazirgi Toqaevtyng jasap jatqan «super preziydenttik respublikany jalghastyramyn» degen sózine qarsy pikiri bar shyghar. Darighanyng ózi «elimizge demokratiya kerek, elimizge parlamenttik respublika kerek», dep úran shygharsa, ony biz nege qoldamaymyz?! Bәrining bir-aq oiy bar. «Nazarbaevtyng dәuiri ketti. Osy adamdardy memleketten shygharyp tastayyq, jolatpayyq», degen sóz dúrys emes. Biz jýieni ózgertemiz, biraq, óz adamdarymyzdy quyp salyp, qúrtyp jiberuge bolmaydy. Osy elding azamaty bolsa, osy sharuagha aralasugha qúqyghy bar azamattardyng bәrin aralastyruymyz kerek», – degen pikiri qyzu pikir talasqa ózek bolghan edi.

Kýni keshe Ghalymjan Jaqiyanov Youtube-tegi jurnalist Núrseyit Jylqyshybayúlynyng «Uaqyt kórsetedi» baghdarlamasyna súhbat beripti. Jylqyshybayúlynyng «Jaqiyanov biylikke kelui mýmkin be?» degen súraghyna: «Biylikke kelu-kelmeu mәselesi qoghamnyng tikeley jaghdayyna baylanysty. Demokratiya osy elde óris alsa, әriyne, Qajygeldinning de, Jaqiyanovtyng da biylikke keluge tolyqtay mýmkindigi bar. Eger de әdil saylau ótse ghana biylikke kelesin. Al onday bolmaghan jaghdayda, qalay biylikke keluge bolady?», - dep jauap beripti Ghalymjan myrza.

«Jana Qazaqstanshyl» deputattar Nazarbaev dәuirinde biylik pen baylyqqa jetken bir shoghyr at tóbelindey toptan qauip etip, «olar kez kelgen uaqytta biylikke kelui mýmkin, jana reformalargha kedergi keltirui mýmkin» dep júrtty ýreylendirip otyrsa, kәnigi demokrat Ghalymjan myrza olardyng pikirimen kelispeytin ashyq anghartuda.

Bir kezde partiya qúryp, sayasattyng kórigin qyzdyrghan túnghysh preziydentting qyzy Darigha Nazarbaevagha qatysty pikiri sonyng aighaghy. Qazir Monghaliyada jýrgen Ghalymjan myrza «Jana Qazaqstandy» kezinde sayasy kózqarastaryna baylanysty shetelge ketken ózi siyaqty azamattardy elge shaqyru, sayasy dodalargha qatysugha mýmkindik jasau dep týsinetindey. «Ýirengen jau atysqangha jaqsy» degendey saylauda Darigha siyaqty eski jýiening ókilderimen bәsekege týsken ózderine jenil siyaqty. Júrt nazaryn audarghan songhy pikirleri sol oiyn menzep túrghanday. Jana Qazaqstan eski jýiening biylik ókilderi men eski oppozisiyanyng sayasy bәsekesine jol asha ma, ony uaqyt kórsetedi.

Abai.kz