"Aziya avto – BIPEK avto" kompaniyalar tobynyng izdeudegi jetekshilerining biri Pragada ústaldy. Búl turaly Qazaqstan ishki ister ministrligining baspasóz hatshysy Shúghyla Túrlybek habarlady.

"Qazaqstan ishki ister ministrligining Interpol boyynsha últtyq ortalyghynyng súrauy boyynsha, Chehiya astanasy Pragada "Aziya Avto – BIPEK Avto" kompaniyalar toby jetekshilerining biri ústaldy. Ol Shyghys Qazaqstan oblysynda asa iri kólemde alayaqtyq jasady degen kýdikpen izdeude jýrgen", - dedi Shúghyla Túrlybek dýisenbide ótken brifing kezinde. Onyng sózin "Qazinform" aqparat agenttigi taratqan.

Shúghyla Túrlybekting sózinshe, kýdikti qamaugha alynghan, endi ony Qazaqstangha ekstradisiyalau mәselesi qarastyrylyp jatyr.

2020 jyly Qazaqstannyng industriya jәne infraqúrylymdyq damu ministrligi atalghan kompaniya tobymen kelisimshartyn ýzgen. Qazaqstan ýkimeti 10 jylgha jenildikpen alghan 174 milliard tengeni (qazirgi baghammen 371 million dollar) memleketke qaytaryp berudi talap etken.

Industriya ministrligi "kompaniya avtomobili qúrastyru jónindegi mindettemesin oryndamady" dep mәlimdegen. "Aziya Avto" aksionerlik qoghamy qosymsha qún salyghynan jәne kedendik tólemderden bosatylyp, utilizasiyalyq alymdy qaytaru esebinen yntalandyrylghan.

2021 jyldyng tamyzynda Qazaqstan biyligi "Bipek Avto — Aziya Avto" kompaniyalar toby diyrektorlar kenesining tóraghasy Anatoliy Balushkinge izdeu jariyalanghanyn habarlaghan. Qazaqstan soty ony qamaugha alu jóninde syrttay sanksiya bergen.

Balushkin men onyng komandasy sot sheshimine qarsy birneshe ret shaghym týsirgen. "Aziya-Avto" eki mynnan astam qyzmetkerin taratyp, kәsiporyn keybir baghyttaryn japqan. Balushkin 2020 jyly ótkizgen baspasóz konferensiyasynda "ýsh zauytqa da tolyq tekseris jýrgizip, kimning memleketting qanday aqshasyn alghanyn, qayda qalay salghanyn" kórgisi keletinin aitqan.

Abai.kz