Qarjylyq monitoring agenttigi «AziyaGazChundja» JShS qúryltayshylary Qayrat Boranbaev pen Roman Nahanovqa jәne «Qazaq Gaz» AQ basqarma tóraghasynyng búrynghy orynbasary Tair Janúzaqqa súiytylghan múnay gazyn satyp alu kezinde 14,5 mlrd tenge úrlau jәne qylmystyq kiristerdi zandastyru faktileri boyynsha qylmystyq isti tergeudi ayaqtady, dep jazdy halyq-uni.

23 jeltoqsanda Bas prokuratura isti sottyng qarauyna jiberdi.

Últtyq kompaniyagha keltirilgen zalal «Qazaq Gaz» AQ shottaryna audaru arqyly tolyq kólemde óteldi. Ayyptalushylardyng 38 mlrd tenge somasyndaghy aqshalay qarajatyna, 15 jyljymaytyn mýlik obektisine, 3 avtokólik qúralyna tyiym salyndy.

Agenttik Qayrat Boranbaevqa jәne basqa adamdargha qatysty gaz eksporty kezinde úrlau jәne qylmystyq jolmen alynghan mýlikti zandastyru faktileri boyynsha bólingen ister shenberinde sotqa deyingi tergeudi jalghastyruda.

Qylmystyq-prosestik kodeksting 201-babyna sәikes ózge aqparat jariya etilmeydi.

Ayta keteyik, 2022 jyldyng nauryzynda kvaziymemlekettik sektorda asa iri kólemde qarjy jymqyru deregi boyynsha qylmystyq is boyynsha Qayrat Boranbaev qamaugha alyndy.

2022 jyldyng qyrkýieginde Qarjy monitoringi agenttigi asa iri kólemde memleket qarjysyn jymqyrdy jәne aqshany jylystatty degen kýdikke ilingen Qayrat Boranbaev pen onyng sybaylastaryna qatysty isting tergeuin ayaqtady.

Qarjy monitoringi agenttigining habarlauynsha, úrlanghan 14,5 mlrd tenge kólemindegi qarajat keyinnen zandy kәsipkerlik qyzmetten diviydend retinde bólu jәne tóleu jeleuimen zandastyrylghan. Osylaysha, kýdiktiler jasalghan zansyz operasiyalardyng shyn mәnin jasyrghan. Tergeu barysynda keltirilgen shyghyn tolyq kólemde óteldi. Sonymen qatar 38 milliard tenge qolma-qol aqsha men 4,2 milliard tengening jyljymaytyn mýlikteri tәrkilendi. Osy bólim boyynsha tergeu ayaqtaldy, materialdar proseske qatysushylargha tanystyru ýshin berildi.

Qayrat Boranbaev – Darigha Nazarbaevanyng qúdasy. Boranbaevtyng qyzy Álima 2013 jyly Aysúltan Nazarbaevqa túrmysqa shyqty. Aysúltan 2020 jyly tamyzda Londonda qaytys boldy.

Abai.kz