"Jedel bólim qyzmetkerleri birneshe qylmys jasady degen kýdikpen 2005, 2006 jәne 2007 jyldary tughan bes jasóspirimdi ústady. Olardyng jauabyna qaraghanda, eki tapsyrysty da olar internet arqyly belgisiz bireuden alghan. Tapsyrys berushi aqysyn da dәl solay [internet arqyly] tólegen" dep jazylghan polisiyanyng jeksenbi kýngi habarlamasynda.
Polisiyanyng aituynsha, qazirgi kezde kýdiktilerge búltartpas sharasyn qoldanu mәselesi qaralyp jatyr. Tergeu jalghasady.
Almaty polisiyasy sonymen birge "tapsyrys berushining kim ekenin anyqtap, ony ústaugha baghyttalghan keshendi is-shara jýrgizilip jatqanyn" da aitty.
"Barlyq derek boyynsha qosymsha aqparat tergeu tolyq ayaqtalghannan keyin jariyalanady. Tergeu IIM men Almaty qalalyq polisiya departamentining baqylauynda" dep jazylghan habarlamada.
14 qantargha qaraghan týni jurnalist Dinara Egeubaeva belgisiz bireulerding kóligining artqy terezesin syndyryp, kirpish laqtyrghanyn, kóligine ot qoyghanyn habarlaghan.
Ol oqighany "ózine jasalghan qastandyq" dep baghalaghan edi.
Egeubaevany qoldaghan belsendiler oqighany onyng kәsiby qyzmeti men sayasy ambisiyasymen baylanystyrghan.
IIM bir kýn búryn birynghay reestrde "bótenning mýlkin jong nemese býldiru" baby boyynsha is tirkelgenin habarlaghan.
Ýsh apta búryn Egeubaeva ózge belsendilermen birge "Altynshy Qantar" ("6 qantar") blogy qúrylghanyn jәne birmandatty okrug boyynsha kezekten tys mәjilis saylauyna (merzimi әzirge belgilengen joq) ózin kandidat retinde úsynugha dayyn ekenin aytqan.
Eki kýn búryn Elmedia redaksiyasy kensesine byltyrghy jyldyng qazanynan beri altynshy ret "shabuyl jasalghanyn" habarlap, Elmedia jobasynyng jetekshisi Gýljan Erghaliyeva oqighany "diyversiya" dep ataghan edi. Redaksiya ókilderi "shabuyldaushylar Elmedia'nyng júmysyn toqtatqysy keledi" dep mәlimdegen.
Polisiya habarlamasynda bes kýdiktining naqty qay shabuylgha qatysty ústalghanyn aitpaghan, biraq "aldynghy esik turaly" aitqanyna qaraghanda eki kýn búrynghy shabuyldy menzegen tәrizdi.
Byltyr qarashada polisiya Elmedia redaksiyasy kensesine "shabuyldaghan" eki adam ústaldy, ekeui de 18 jasta dep mәlimdegen edi. Ol kezde kýdiktilerge "Úsaq búzaqylyq" baby boyynsha әkimshilik is qozghalghany habarlanghan. Azattyq sud.kz saytynan is turaly aqparat tappady.
Qazaqstanda jurnalister kәsiby qyzmetine baylanysty tosqauyl-kedergilerge jii úshyraydy. "Shekarasyz tilshiler" halyqaralyq úiymynyng "Sóz bostandyghy indeksinde" Qazaqstan 180 elding arasynda 122-orynda túr. Elde sóz bostandyghynyng ahualy kýrdeli dep baghalanady.
Abai.kz
