"Jaydarmannyn" negizin qalaushy Esen Eleuken Parlament Mәjilisi deputattyghyna ýmitkerligin úsyndy, - dep habarlaydy Tengrinews.kz.

Esen Eleuken búnday manyzdy sheshim ayaqasty qabyldana salatyn dýnie emes ekenin jәne búryn da talay úsynystar bolghanyn aitty

"Biraq ózimdi dayyn emespin dep bas tartyp kelgenmin. Alayda qazir oilanyp otyrsam, jastardyng arasynda jýrmin degenmen, jasym, mine, biyl eluge keledi. Jer ortasyna keldim. Endi Jaydarmanda jinaghan tәjiriybemdi, biligimdi jәne bar ynta-jigerimdi kórsetetin kez keldi dep oilaymyn. Sondyqtan, búryn qoghamdyq qyzmet retinde atqarghan júmysymdy joghary memlekettik dengeyge kóterilip, zang jýzinde, jýieli týrde kóterip, sheshetin uaqyt kelgen siyaqty", - dedi Esen Eleuken.

Ol sayasatqa ketse de, "Jaydarmanmen" baylanysyn ýzbeytinin aitty.

"Jýrgizushi bolmasam da, túraqty týrde kelemin. Agha retinde aqyl-kenesimdi aityp, qadaghalap otyramyn. Óitkeni ózim de osy qauymnyng bir mýshesimin dep esepteymin.

Jalpy Jaydarman – tamyryn jayyp, ózining joly men baghytyn aiqyndaghan, elimizding týpkir-týpkirinde filialdary bar, ózdiginen sartyldap júmys istep túrghan jýie. "Jaydarmannyn" bir ereksheligi - kreativ industriyany qalyptastyrdy. Mәdeniyet salasynyng kez kelgen baghytynan bizding jaydarmanshylardy tabasyz. Búdan bólek ónirlerde deputat bolghan da, últtyq kompaniyalarda basshylyq qyzmette otyrghan da jaydarmanshylar az emes. Bir sózben aitqanda, "Jana Qazaqstanda jastar múnay bolsa, "Jaydarman" sol baylyqty iygerip, óndeytin últtyq kompaniya" dep sipattar edim", - deydi Esen Eleuken.

Sonday-aq, ol deputattyqqa ýmitker boluyna jaqyndary men jaydarmanshylardyng pikiri de әser etkenin aitty.

"Óitkeni olar búrynnan "deputat bolsanyzshy" deytin. Jaydarmanshylar degenimiz jastar ghoy, al olar ózderine qoljetimdi, kez kelgen uaqytta biylikke óz ýnin, datyn jetkize alatyn adamnyng Parlament Mәjilisining deputaty bolghanyna quanatyny anyq. Sondyqtan, búl sheshimimdi ózime senip otyrghan qoghamnyng amanatyn arqalau dep týsinemin", - dep qorytyndylady Esen Eleuken.

Abai.kz