Mynaday bir súmdyq jaghdaydy aitpasqa bolmay túr. Byltyrghy jyldyng qazan aiynda Qostanay oblysyndaghy Rudnyy shaharynda nebәri alty jastaghy aghayyndy eki jas bala -Ámir men Iliyas ayaq astynan kóz júmdy. Múndaghy dәrigerler ary-beri zerttep «birdeneden ulanghan» degen diagnoz qoydy.

Alayda olardyng neden ulanghandyghyn anyqtay almady. Búl oblystaghylardyng da qolynan kelmedi. Tipti, Astanadaghy mýiizi qaraghayday myqtylar da dәrmensizdik tanytty. Sosyn amal joq, ózderi jýgirip, kómek súrap ýirengen Mәskeuge qaray jalpaqtady. Tәuelsiz elimiz ózderining medisina salasynda mýldem beyshara kýige týskendigin moyyndap, tórelikke «úly halyqtyn» Densaulyq saqtau ministrligine qaraytyn sot-medisinalyq saraptau institutyna jýginuge mәjbýr boldy. Bizdegi dәl osynday keremet deytin saraptau ortalyghynan esh qayrang bolmaghan.

Endi olar ózderin «Ortalyq Aziyadaghy kóshbasshymyz», eshkimdi kózge ilmeytin «tau barysymyz» dep kópirgende eshkimge des bermeytin qazirgi tandaghy «asa ozyq» memleketke Mәskeu «kókemiz» qol úshyn beretin bolyp, qyrshyn ketken balalardyng analizderin tekseruge kirisip ketti.

Endi bylay qaraghanda, qarapayym ghana ulanghan adamnyng diagnozyn dúrys qoya almaytyn dәrejege jetsek, ar jaghynda birdene dep aitudyng ózi artyq sekildi. Búl - bizdegi medisinanyng әbden qúldyrap, mýldem qúrdymgha ketkendigining aighaghy. Bóten ne dersin?

Aytpaqshy, keybir derekterge qaraghanda, ol balalargha dýkenning aldynda bir adam esirtki qosylghan kәmpit taratqan degen sóz bar. Qúramynda alapat zәri men uy bar múnday pәlege jas organizm qaydan shydasyn?.. Sonyng saldarynan qyzulary qatty kóterilip, ýilerine kelgen boyda ayaq astynan jan tәsilim etken desedi. Aurudy anyqtay almay jatqandyghy da sondyqtan kórinedi. Meninshe, osy qisyngha siyady. Qazir neshe týrli súmdyq jaghdaylargha da tang qalmaytyn boldyq qoy.

Endi búlardy da az deseniz, jaqynda taghy da «janalyq» estidik. Endi Rudnyy poliyseyleri barlyq pәleni әlgi qyrshyn ketken balalardyng sheshesine jabugha ainalypty. Onyng qorghaushysy Tatiyana Antonovanyng aituyna qaraghanda, poliyseyler ózderinshe «ýidegi dәrilerge ulanyp, ajal qúshqan shyghar» degen bal ashugha kirisedi. Al qorghaushynyng aituyna qaraghanda, onday dәriler ýide mýldem joq kórinedi. Mine, osynday qysymgha shydamaghan anasy tipti, Adam qúqyghy jónindegi Halyqaralyq burogha shaghymdanugha mәjbýr bolady. Aqyry jýikesi shydamay, aurhanagha týsedi. Qazir sonda jatyr.
Tek bizding elde ghana kezdesetin múnday «hikaya» jaqyn arada ayaqtala qoymaytyn shyghar. Eger ayaqtalsa, әriyne.

Jaybergen Bolatov

Abai.kz