Keshe Resey preziydenti Vladimir Putin Ukrainagha ózi bastaghan soghysqa bir jyl toluyna oray federaldy jiyn ótkizdi. 

Sonymen Kremli qojayyny ne dedi, nazar salayyq:

– Reseydi soghys dalasynda jenu mýmkin emes. Sondyqtan bizge qarsy aqparattyq shabuyldar jasalyp jatyr. Kóptegen jastar sonyng qúrbanyna ainaluda;

– Batys Reseyge strategiyalyq soqqy beru oiyn jasyrmaydy. Búl biz ýshin at qúiryghyn birjola ýzisu degendi bildiredi. Batys jergilikti janjaldy әlemdik dengeydegi qaqtyghysqa jetkizgisi keledi. Bizding búghan berer jauabymyz bar,-dedi ol.

Putinning oiynsha, soghysty bastaghan batys, al Resey sol soghysty toqtata almay jatyr-mys.

– Biz soghysty bastaghan joqpyz, biz soghysty bar kýshimizben toqtatpaqpyz. Resey beybitshilik ýshin qoldan kelgenning bәrin istedi, Batyspen dialogqa keluge de dayyn boldy,-deydi ol.

Putinning sózinshe batysta pedofiliya «qalypty jaghdaygha ainalghan».

– Batysta ne bolyp jatqanyn qaranyzdar. Pedofiliya qalypty jaytqa ainalghan. Dinbasylary bir jynysty nekeni qiyp jatyr. Batystyng neytraldy-genderli qúdayy bar. Keshire gór, qúdayym, olar ózining ne istep ne qoyyp jýrgenderin bilmeydi. Biz balalarymyzdy onday azghyndyqtan qorghauymyz kerek. Solay isteymiz de,-dedi ol.

Putin reseylik oligarhtardy elge qaytugha shaqyrdy.

– Keybir kәsipkerler shetelden yahtalar men jyljymaytyn mýlik satyp aldy. Endi olar sanksiyanyng astynda qaldy. Men sizderge eskertkenmin. Sottan sotqa jýgirip, sharshaysyzdar,-dedi Resey preziydenti.

Onyng oiynsha, batys Reseyding baylaryn tonaghan.

– Shetel bankterindegi qyruar qarjysynan, yahtalary men zәulim saraylarynan aiyrylghandargha qarapayym halyqtyng esh jany ashyghan joq,-deydi ol.

Sonday-aq Putin AQSh-tyng yadrolyq qarudy synaugha dayyndalyp jatqanyn atap ótti. Qorghanys ministrligi men Rosatomgha da synaqtargha dayyndaludy tapsyrdy.

Ayjan Temirhan

Abai.kz