Mәjilis deputaty Ermúrat Bapy «últarazdyqty qozdyrdy» degen aiyp taghylyp, 5 jylgha sottalghan blogerler Marghúlan Boranbaev pen Danat Namazbaevty bosatudy súrady.

Deputat búl turaly Bas prokuror Berik Asylovqa joldaghan saualynda bayandady.

Ol sonday-aq tayauda Petropavl qalasynda «Qazaqstannan tәuelsizbiz» dep jariyalaghan separatistik toptyng is-әreketine toqtaldy.

Ermúrat Bapidyng aituynsha, atalghan oqighany «Jana Qazaqstan» iydeyasyna qarsy baghyttalghan jәne oghan tikeley tóngen qaterding biregey belgisi dep baghalau kerek.

«El ishine jik salu sindromy qoghamnyng qatty alandaushylyghy men zyghyrdanyn tughyzyp otyr. Siz ben biz búl memlekettik qaskýnemdikke qyzmet babymen ghana emes, azamattyq jauapkershilik pen perzenttik paryz túrghysynda alandaushylyq bildiruimiz kerek. Bizding elding namysyn qorghaghan últjandy azamattar Marghúlan Boranbaev Pen Danat Namazbaev «últaralyq arazdyqty qozdyrdy» degen jeleumen әrqaysysy 5 jylgha sottalyp ketti. Anyghynda, búl azamattar últaralyq arazdyqtan búryn qazaq halqynyng namysyn jyrtyp, últtyq mýddeni qorghap, әleumettik jelilerdegi separatistik kózqarastargha qarsy shyqqany ýshin sotty boldy. Búl jigitterge óreskel qiyanat jasaldy. Kórshiles elderding elirmeleri auzyna kelgenin aityp jәne jazyp jatqan alauyz pikirlermen salystyrghanda, M.Boranbaev pen D.Namazbaevtyng әlemjelidegi әreketi balanyng oiyny bolyp qaldy. Olargha jasalghan qiyanat pen әdiletsizdik osy salystyrudan tuyndaydy. Bir el nege ózining synarezu sayasatshylaryna tyiym salmaydy, bizding el nege ózining eldik mýddesi men halyqtyq namysyn qorghaghan azamattaryn sottaydy?», – dedi ol.

Deputat el namysyna arasha týsken eki azamattyng sotty boluy әdiletsizdik dep sanaytynyn jetkizdi.

«Kórshi elding úranshylary qylmystyq sotqa tartylmaq týgili, óz biyligi men tiyisti organdary tarapynan әkimshilik túrghyda eskertu de alghan joq. Al el namysyna arasha týsken eki jigit nege sotty bolady? Endeshe, búghan deyin Qazaqstanda bolyp kelgen separatizm sindromyn jәne Petropavl qalasyndaghy juyqta bolghan jikshildenuding jiyirkenishti jaghdayatyn eskere otyryp, Marghúlan Boranbaev pen Danat Namazbaevqa qatysty ýkimdi qaytadan qaraytyn uaqyt ta, sayasy sebep te, últtyq qauipsizdik múqtajdyghy da tudy dep esepteymin! Qazaqstannyng Jogharghy sotynan Marghúlan Boranbaev pen Danat Namazbaevqa qatysty Sot Ýkimin qaytadan qaraugha, olardy týrmeden bosatugha pәrmen beruinizdi súraymyn», – dedi Ermúrat Bapiy.

Ayta keteyik, jaqynda Petropavlda bir top adam ózderining Qazaqstannan «tәuelsiz» ekenderin aityp, «Halyq kenesin» qúrghanyn әleumettik jelige jariyalaghan bolatyn. Olar Qazaqstandy zansyz jariyalanghan memleket dep atady.

Qazir búl toptyng ýstinen Qylmystyq kodeksting 180-baby 2-bóligi «separatizmdi nasihattau» boyynsha tergeu bastaldy.

Abai.kz