Memlekettik qyzmetke qabyldau kezinde ótkiziletin testileude qazaq tili esepke alynatyn norma engizu qajet. Búl turaly Mәjilisting jalpy otyrysynda deputat Samat Músabaev aitty.

«Býgingi ózekti mәsele, ol – memlekettik qyzmet salasyndaghy qazaq tilining jaghdayy. Zanmen bekitilgen biyik mәrtebesine qaramastan, býgingi kýnge deyin memlekettik qyzmet salasynda ana tilimizding resmy tilding tasasynda qalyp otyrghany jasyryn emes. Qazaqstan Respublikasy Memlekettik qyzmet isteri jәne sybaylas jemqorlyqqa qarsy is-qimyl agenttigi tóraghasynyng 2017 jylghy 21 aqpandaghy №40 búiryghyna sәikes, memlekettik әkimshilik lauazymyna ornalasugha arnalghan konkursty ótkizu qaghidasynda «Qazaqstan Respublikasynyng memlekettik tilin biluge arnalghan testileuden ótu ýshin - mәn belgilenbeydi» dep jazylghan. Demek búl, memlekettik qyzmetke ótu barysyndaghy tapsyrylatyn testileude qazaq tilining qajettiligi joq ekenin bildiredi», - dedi Memlekettik qyzmet isteri agenttigi tóraghasynyng atyna deputattyq saual joldaghan Samat Músabaev.

Mysaly onyng dereginshe, «B» korpusynyng memlekettik qyzmetke ótu synaghynda 9 normativtik-qúqyqtyq aktiler boyynsha qamtylghan 130 súraqtyng belgili bir mejesi kórsetilgen.

Al qazaq tilinen ótu mejesi aiqyndalmaghan. Búl ana tilge degen qúrmetting mýldem joqtyghyn kórsetedi.

«Bizge týsiniksizdigi, memlekettik qyzmetke ótken azamattargha beriletin sertifikatta «Ýmitker Qazaqstan Respublikasynyng memlekettik tili men zannamalaryn biluge arnalghan testileuden sәtti ótti» dep jazylady. Búl anyq kóz boyashylyq emes pe? Osyghan oray bizding úsynysymyz memlekettik qyzmetke qabyldau kezinde ótkiziletin testileu kezinde qazaq tili esepke alynyp, ýmitker 100 payyz memlekettik tilden ong nәtiyje shygharu kerek degen normalar engizilsin», - dedi Mәjilis deputaty.

Abai.kz