Qyrymgha demalysqa ketken qazaqstandyq balalar elge aman-esen oraldy. Osylay dep Oqu-aghartu ministri Ghany Beysembaev mәlimdedi.

Vedomstvo basshysy bolashaqta balalar shetelge tek ministrlikting rúqsatymen jiberiletin aitady.

«Balalar aman oraldy. Ata-analary kýtip aldy. Búl jerde balalar ata-anasynyng rúqsatymen jiberilgenin týsinu kerek. Endi bolashaqta Oqu-aghartu ministrligining búiryghynsyz jәne Bilim ministrligi Balalardyng qúqyqtaryn qorghau komiytetining rúqsatynsyz balalar shetelge jiberilmeytin bolady. Múghalim tiyisti jazasyn aldy», - deydi Ghany Beysembaev.

Búghan deyin balalardyng qúqyqtaryn qorghau komiytetining tóraghasy Nasymjan Ospanova Qyrymgha balalardy jiberu turaly sheshimdi olardyng ata-analary qabyldaghan. Olar búl turaly eshqanday bilim beru úiymdaryna, basqarmalargha tipti komiytetke habarlamaghan kórinedi. 

«Komiytet kýn sayyn ol balalarmen baylanysta. Olar 28 mamyrda elge oralady dep josparlanyp otyr. Olardy taghatsyzdana kýtemiz. Býginde olardyng ómirine qauip tónip túrghan joq. Kónil kýileri, emosionaldyq jaghdayy jaqsy. Sebebi balalardyng qasynda ata-anasy bar. (...) Biz óz balamyzdy jiberer me edik? Áriyne, joq. Sebebi ol aimaqtaghy jaghday auyr», - degen edi komiytet tóraghasy Nasymjan Ospanova OKQ brifinginde.

Qazaqstan mektep oqushylarynyng soghys aimaghyndaghy lagerge ketkeni turaly 7 mamyrda belgili bolghan. Búl turaly Astanadaghy Orys ýiining Instagram-paraqshasynda "jarysta jenimpaz atanghan 10 oqushy anneksiyalanghan Qyrymgha 24 kýnge jiberiletini" jazyldy. 

Oqu-aghartu ministrligi ókilderining aituynsha, Uoungreaders.ru saytynda proza oqyrmandaryna arnalghan «Jandy klassika» halyqaralyq bayqauy ótken. Ótkizilgen bayqaudyng qorytyndysy boyynsha 10 qazaqstandyq oqushy Qyrymdaghy «Artek» halyqaralyq balalar ortalyghyna joldama alghan. Balalardyng ata-analary mektep basshylarynyng kelisiminsiz, saytqa ótinim berip, bayqaugha qatysugha óz betinshe niyet bildirgenin aitty. Ata-analarmen týsindiru júmystary jýrgizilip, olardyng jauapkershiligi turaly qolhat alynghan.

Eske sala keteyik, Reseylik basylymdardyng mәlimetine sensek, qazirgi uaqytta Qyrym órt pen jarylys oshaghyna ainalghan.

Abai.kz