Semeyding ormany órtenip jatyr. Ázirge 60 myng gektar orman órtengen. Eger sóndire almasa, búdan da úlghaya týseri sózsiz. Tilsiz jaumen alysam dep 14 adam adam qaza tapty. Imandary salamat bolsyn.

Preziydent ótkizgen tótenshe jiynda Ekologiya ministri jylap túrdy.

Búl kóz jas – sharasyzdyqtyng kóz jasy.

Búl kóz jas – biylikting jemqor ekenin aita almay qystyghyp, ishten tynghan jas shendining kóz jasy.

Búl kóz jas – elimizding kadr sayasatynyng tyghyryqqa tirelgenining kóz jasy.

Búl kóz jas – asqynghan burokratiyany, sheneunikterding qamsyzdyghyn, qayratsyzdyghyn ýnsiz aiyptaghan kóz jas.

Búl kóz jas – paraqor, toq úlyqtardyng arasynda ózin artyq sezinu kóz jasy.

Búl kóz jas – órt týgili ómirdi bilmeytin, el ishinde óspegen, júrttyng mún-múqtajyn bilmeytin, qarapayym halyqtan tym alys, jas sheneunikting birden ministr bolghanyna ókingen kóz jasy.

Búl kóz jas – ózin ministrlikke ómir kórsetpey, qyzmet baspaldaqtarymen satylap, sonau tómennen ósirmey, kәsiby túrghydan jetildirmey, birden ministr qoya salghan «jebeushilerine» laghnet aitqan kóz jasy.

Búl kóz jas – biliksiz kadrdyng kóz jasy.

Búl kóz jas – sóz jýzinde bar «Jana Qazaqstannyn» is jýzinde joq ekenin bildirgen kóz jas...

Búl kóz jasta bәri bar: jemqorlyqtyng joyylmaytyny, el men jerge jany ashymaytyn jemqor sheneunikterding búdan әri de el basqara beretindigi;

Aq Ordanyng ótirik statistikamen ómir sýretindigi;

Kózboyaushylyqpen ainalysu – biylikting eng sýiikti isi ekendigi;

Sheneuniktik korpustyng eshteneden sabaq almaytyndyghy;

Sheneunikterding memleket mýddesi ýshin emes, qaraqan qara basynyng qamy ýshin, momyn eldi talau, memleket dәuletin ayausyz talan-tarajgha salu ýshin biylike baratyndyghy;

Otangha jasaghan opasyzdyghy, halyqqa jasaghan qiyanaty ýshin esh jazalanbaytyny, әri ketse sógispen qútyla alatynyna senimdiligi;

Tarih pen úrpaq aldynda esh jauap bermeytindigine kәmil senetini t.b.

Zýlfiya – otyz jylghy Tәuelsizdik kezeninde shyn jylaghan túnghysh ministr. Otyz jylda halyqty ayausyz qanap kelgen әli de qanay beretin myna bezbýirek ýkimetten qystyghyp jylaytyn bir ministr shyqty-au aqyry.

Zýlfiya, sening kóz jasyng myna dýley órtti sóndire almas, biraq jylay týs. Preziydentting qabyldauyna baryp, Ýkimette bolyp jatqan masqaralardy aityp jyla, qauqarsyz premier ministrdi otstavkagha jiberiniz dep jyla.

«Eski Qazaqstannyn» kýlli kadryn halyqshyl, memleketshil azamattarmen almastyrynyz dep, jyla.

Biylikti jaylaghan jemqorlyqqa tez arada tótenshe shara qoldanynyz әitpese, Tәuelsizdikten aiyrylamyz dep jyla.

Ýkimet otyrysynda da jyla.

Memleketke jemqorlyq saldarynan qauip tóndi, sender neghyp otyrsyndar dep jyla.

19 million halyqty taqyr kedey qylghan kileng betsiz, ónsheng úyatsyzdar dep jyla.

Shalbar kiygen sorlylar, erkek emessinder dep jyla.

Ózderinde ar bar ma, ojdan bar ma, mynanday jaghdaydy kórip otyryp, ministr, әkim bolmaq týgili qalay jer basyp jýrsinder dep jyla.

Namystaryng bar ma ózi dep jyla.

Bir silkinip, memleket ýshin, halyq ýshin jannan keship, adal is qylatyn kezdering keldi ghoy dep jyla.

Otanymdy osynshama jegendering ýshin úrpaqtaryng jauap beredi, ólgen song kórlerinde tynysh jatpaysyndar dep jyla.

Aldarynda ar soty, úrpaq soty, tarih soty túr dep jyla.

Bәrin aityp jyla, elding zaryn aityp jyla.

«Estiytin ýkimet» halyqtyng jan aiqayyn estimeydi ghoy, bәlkim óz ishinen shyqqan jalghyz sheneunikting kóz jasyn kórer, zaryn estir...

Erlan Tóleutay

Abai.kz