Premier-Ministrding birinshi orynbasary Roman Sklyar «Abay oblysyndaghy órt ýshin kim jauapty?» degen súraqqa jauap berdi. 

«Rezervat Ekologiya ministrligining vedomstvosynda boldy. Astana halyqaralyq forumy ótken kýni týsten keyin órt shyqty. Onyng auqymyn jete baghalay almadyq. Sekundyna 28 metr qatty jel men + 38 gradus temperaturada joghary betkeyde órt tez tarady», - dedi Roman Sklyar Ýkimet otyrysynan keyin tilshilerge bergen súhbatynda.

Sonday-aq tilshiler viyse-premierge órt sóndirushiler qanday jaghdayda júmys istep jatqanyn, sisternalardy tot basqanyn, joldyng salynbaghanyn aitty.

«Aldaghy uaqytta biz sheshetin bir top mәsele bar. TJM men orman sharuashylyghy tehnikasyn janartamyz. Biz búl mәseleni qysqa merzimde sheshudi josparlap otyrmyz.

Apat ornynda da jaghdaydy jetkilikti baghalamaghany anyq. Órt óte tez taraghandyqtan osynday oqigha oryn aldy. Adam ólimine keletin bolsaq, búl – óte qayghyly jaghday. Qazir prokuratura tergeu jýrgizip jatyr jәne bizge tolyq jauap beredi. Jaghday kórsetkendey, órtti auyzdyqtaugha bolatyn bastapqy sәtti jiberip aldyq», - dedi Roman Sklyar.

Abai.kz