پرەمەر-ءمينيستردىڭ ءبىرىنشى ورىنباسارى رومان سكليار «اباي وبلىسىنداعى ءورت ءۇشىن كىم جاۋاپتى؟» دەگەن سۇراققا جاۋاپ بەردى. 

«رەزەرۆات ەكولوگيا مينيسترلىگىنىڭ ۆەدومستۆوسىندا بولدى. استانا حالىقارالىق فورۋمى وتكەن كۇنى تۇستەن كەيىن ءورت شىقتى. ونىڭ اۋقىمىن جەتە باعالاي المادىق. سەكۋندىنا 28 مەتر قاتتى جەل مەن + 38 گرادۋس تەمپەراتۋرادا جوعارى بەتكەيدە ءورت تەز تارادى»، - دەدى رومان سكليار ۇكىمەت وتىرىسىنان كەيىن تىلشىلەرگە بەرگەن سۇحباتىندا.

سونداي-اق تىلشىلەر ۆيتسە-پرەمەرگە ءورت سوندىرۋشىلەر قانداي جاعدايدا جۇمىس ىستەپ جاتقانىن، تسيستەرنالاردى توت باسقانىن، جولدىڭ سالىنباعانىن ايتتى.

«الداعى ۋاقىتتا ءبىز شەشەتىن ءبىر توپ ماسەلە بار. تجم مەن ورمان شارۋاشىلىعى تەحنيكاسىن جاڭارتامىز. ءبىز بۇل ماسەلەنى قىسقا مەرزىمدە شەشۋدى جوسپارلاپ وتىرمىز.

اپات ورنىندا دا جاعدايدى جەتكىلىكتى باعالاماعانى انىق. ءورت وتە تەز تاراعاندىقتان وسىنداي وقيعا ورىن الدى. ادام ولىمىنە كەلەتىن بولساق، بۇل – وتە قايعىلى جاعداي. قازىر پروكۋراتۋرا تەرگەۋ جۇرگىزىپ جاتىر جانە بىزگە تولىق جاۋاپ بەرەدى. جاعداي كورسەتكەندەي، ءورتتى اۋىزدىقتاۋعا بولاتىن باستاپقى ءساتتى جىبەرىپ الدىق»، - دەدى رومان سكليار.

Abai.kz