Áleumettik jelilerde Berlindegi Mústafa Shoqaydyng beyiti búzylady degen aqparat tarady, dep habarlaydy Halyq Uni. 

Áleumettik jelide Berlindegi týrikterding shәiitter ziratynda jatqan Mústafa Shoqaydyng beyiti týsirilgen viydeo jariyalandy.

«Qazaq eli, qazaq bauyrlar. Mústafa Shoqay atamyzdyng jatqan jeri. Berlin qalasy. Meshitting qasynda. Búny Qazaqstangha alyp ketinizder dep jatyr.  Múnyng bәri búzylady, bәri ketedi eken. Topyraghymen birge alyp ketuge bolady eken. Rúqsat deydi», – delingen beynejazbada.

Alayda viydeony týsirip, taratqan adamnyng kim ekeni belgisiz.  Osy mәseleni anyqtau ýshin Qazaqstannyng Mәdeniyet jәne sport ministrligine habalastyq. Mәdeniyet komiytetining mәlimetinshe, búl beyit elimizding tarihiy-mәdeny múrasy bolyp sanalmaytyndyqtan, vedomstvonyng búl mәseleden habary bolmay shyqty.

Týrkiyada túratyn tarihshy ghalym, shoqaytanushy, Mimar Sinan kórkemóner uniyversiytetining professory Ábduaqap Qara atalghan aqparatty joqqa shyghardy.

Bireuler Berlinde týrikterding shәiitter ziratynda jatqan Mústafa Shoqaydyng beyitin alyp ketinder dep aitty dep baybalam salyp viydeo taratyp jýr. Búl negizsiz habar. Óitkeni búny taratushylar búl mәlimetti qay resmy mekemeden alghanyn aitpaydy. Viydeoda beyitti kórsetip baybalam salyp túrghan adam ózin tanystyrmaydy, kim ekenin aitpaydy. Beynesin de kórsetpeydi. Jasyrynady.  Eger búl aqparat ras bolsa, olar nege aldymen Berlindegi Qazaqstan elshiligine de, Qazaqstannyng basqa mekemelerine de aitpaydy. Búl bizge múnyng jalghan ekenin kórsetedi. Onyng Shoqay, tipti qazaq janashyry emes ekenin de kórsetedi, – dep jazdy Ábduaqap Qara.

Shoqaytanushy qazaqstandyqtardy jalghan aqparatqa senbeuge shaqyrdy.

Eger múnday oqigha ras bolsa, joldan ketip bara jatqan bireuge emes,  sol beyitke qaraytyn resmy týrik mekemesi yaghny Berlindegi Týrkiya elshiligi Qazaqstan elshiligine habarlaydy. Múnday negizsiz baybalam habarlargha mәn bermenizder. Áleumettik jelide kóbirek lýpil alam dep otan ýshin, tәuelsizdik ýshin janyn bergen úly tarihy túlghalardyng aruaghyn oiynshyqqa ainaldyrmanyzdar. Allanyng da halyqtyng da laghynetine úshyraysyndar, – dep qosty Ábduaqap Qara.

Búghan deyin, Qazaq jerinen shyqqan últymyzdyng birqatar birtuar túlghalary shet memleketterde jerlengenin jazghan edik. Alayda olardyng keseneleri men beyitteri elimizding mýliktik múrasy bolyp sanalmaydy.

«Atalghan nysandardyng barlyghy shet elderding aumaghynda boluyna oray sol elderge tiyesili memlekettik jerlerde, úiymdaryna, vedomstvolaryna tiyesili jerlerde ornalasqan. Osy orayda, olardy kýtip ústau, saqtau, paydalanu, әkimshilik etu júmystary sol elderding últtyq zannamasyna sәikes jýrgiziledi jәne olar Qazaqstannyng mýliktik keshenderi emes», – dedi ministrlik.

Abai.kz