Óskeleng úrpaqty salauatty ómirge, enbekqorlyqqa tәrbiyeleuge jiti mәn beru kerek. Sebebi, qazir jastar arasynda esirtkige tәueldilik beleng alyp, kitap ústamaytyn úrpaq kóbeyip keledi. Qoghamdy alandatqan osy mәseleler de Týrkistanda ótip jatqan Últtyq qúryltayda talqylandy. Elding әl-auqaty men túrmystyq jaghdayyn jaqsartu, ruhany aghartu baghytynda atqaryluy tiyis júmystar qyzu talqylanyp, kópshilik óz oilaryn ashyq jetkizdi, dep habarlaydy Qazaqstan.tv.

Aydos Sarym, QR Parlamenti Mәjilisining deputaty:

Qarjy naryghy bylay damidy, shiykizat naryghy bylay damidy dep senimdi aqparat aita alatyn, sony dәleldey alatyn senimdi mektepter joq. Ekonomikalyq mektepter joq. Tipti, mynau qazaq tilining bolashaghy qanday? 10 jyldan keyin, 20 jyldan keyin qazaqtyng demografiyasy qanday bolady degen deregimiz bar ma? Osynyng barlyghyn zerdeleytin ghylymy ortalyqtar auaday qajet.

Qúryltayda eldegi mәdeniyet pen diny ahual da sóz boldy. Audan ortalyqtary men shalghay auyldarda múrajaylar men mәdeny ortalyqtardy týgendeytin kez jetti deydi ziyaly qauym ókilderi.

Sәule Dosjanova, jazushy:

Bizde әr auylda eki meshitten bar, tipti ótkende tang qaldym. Bir auylda tórt meshit bar eken. Tórt ruly el eken ol auyl. Meshitterdi kóbeytpey-aq, halyqqa mektepter, balabaqshalar, sport zaldary, sport mektepterin salyp, balalardyng keleshegimen ainalysayyq. Biz qazir balalardy betine jiberip alatyn bolsaq, erteng memleketting qauipsizdigine qauip tónedi. Men endi osy mәseleni úsynys etip aittym.

Azamat Satybaldy, T.Jýrgenov atyndaghy qazaq últtyq óner akademiyasynyng rektory:

Men barghan jerding barlyghynda Mәdeniyet ýiining istep túrghanyn kórgen joqpyn. Barlyq Mәdeniyet ýilerinde qara qúlyp túrady. Ol tek qana sol auyl әkiminin, audan әkimining jinalys ótkizetin jeri ghana bolyp túr. Sondyqtan barynsha audandaghy Mәdeniyet ýilerin barynsha jandandyru kerek. Sonda ghana biz solardy siniru arqyly elding ruhyn kóteremiz. Osy mәseleni kóterdim. Endi qúba-qúp qoldap jatsa, men dúrys dep oilaymyn.

Abai.kz