Qazaqstanda joghary lauazymdy memlekettik qyzmetkerlerge qazaq tilin bilu mindetteledi. Búl turaly QR Ghylym jәne joghary bilim ministrligi Til sayasaty komiytetining tóraghasy Erbol Tileshov aitty.

«Osy nemese kelesi aida Ýkimet «Qazaqstan Respublikasynda til sayasatyn damytudyng 2023-2029 jyldargha arnalghan tújyrymdamasyn» bekitedi. Onda joghary lauazymdy memlekettik qyzmetkerlerge memlekettik tildi biludi mindetteu engiziledi. Alghashynda barlyq memlekettik qyzmetkerge mindetteudi engizip kórdik, biraq týrli qarsylyqtar boldy. Talqylau barysynda ministr, ministr orynbasary, әkim, әkim orynbasary sekildi tek joghary lauazymdy túlghalargha memleket til bilu mindeteldi», - dedi Erbol Tileshov QR Preziydenti Is basqarmasynda «Memlekettik til – tatulyq negizi» atty dóngelek ýstelde.

Onyng aituynsha, jana tújyrymdamada memlekettik tilde is-qaghazdardy jýrgizu, memlekettik tilde zang qabyldau, audarma sapasy mәseleleri qarastyrylghan.

«Ásirese qújattardyng týpnúsqada memlekettik tilde dayyndaluy manyzdy. Múnda qazaq tili әli kýnge deyin audarma tili bolyp qaluda, búl shyndyq. Qazir 30 jylda ýlken mamandar legi qalyptasty, sondyqtan talap qozghau kerek dep oilaymyn», - dedi Erbol Tileshov.

Abai.kz