Býgin Almatyda "Jana qazaq әdebiyeti" jobasy ayasynda jaryq kórgen kitaptardyng túsaukeser rәsimi ótti.

Is-sharany QR Mәdeniyet jәne aqparat ministrligi men QR memlekettik Kitap palatasy úiymdastyrdy.

Aytuly jiyngha Qazaqstan Respublikasy Mәdeniyet jәne aqparat viyse-ministri Arman Jýdebaev, Qazaqstan Jazushylar odaghy Basqarma tóraghasynyng orynbasary Núrjan Quantay jәne qogham qayratkerleri, belgili qalamgerler, memlekettik baghdarlamamen jaryqqa shyqqan kitap avtorlary men kitapty shygharushy baspagerler, kitaphana qyzmetker qatysty.

"Memleket basshysy Týrkistanda ótken Últtyq qúryltayda kitap industriyasyn damytugha basa nazar audarghany belgili. «Jana qazaq әdebiyeti» seriyasymen shyqqan kitaptardyng túsaukeseri Memleket basshysynyng tapsyrmasyn iske asyrudaghy ýlken qadamdardyng biri. Búl seriyamen búryn jaryq kórmegen, әdebiyetke tyng serpin bergen jәne qazaq әdebiyetining jana kelbetin qalyptastyruda airyqsha oryn alatyn әdebiyetter basylyp shyghatyny barshanyzgha mәlim. Jana qazaq әdebiyeti ókilderin qoldau ministrlikting әrdayym nazarynda"- dedi Arman Jýdebaev.

«Jana qazaq әdebiyeti» jobasy «Ádebiyetting әleumettik manyzdy týrlerin satyp alu, basyp shygharu jәne taratu» respublikalyq budjettik baghdarlamasy ayasynda ótken jyldan beri qolgha alynghan biregey bastama. 2022 jyly osy baghdarlamamen 10 avtordyng kitaby jaryq kórip, әrqaysy 3 myng danamen elimizding týpkir-týpkirine jetkizildi.

Biyl jaryqqa shyqqan 14 kitaptyng barlyghy da elimizdegi kitaphanalardyng qoryn tolyqtyrady.

Jiyn barysynda is-sharagha qatysushylar qazirgi qazaq әdebiyetining ózekti mәselelerin talqylady.

Abai.kz