Qazaqstan preziydenti Qasym-Jomart Toqaev kesheden-beri Ázerbayjan elinde resmy saparmen jýrgenin osyghan deyin jazdyq.

Toqaev pen Áliyevpen kelissóz jýrgizdi

Memleket basshysy Ázerbayjan Preziydentimen kelissóz jýrgizdi. Qasym-Jomart Toqaev Iliham Áliyevti Ázerbayjan Preziydenti saylauyndaghy aiqyn jenisimen jәne biyl Bakude SOR 29 sammiytin ótkizu mýmkindigine ie boluymen qúttyqtady.

Suret Aqorda telegram arnasynan alyndy

Preziydent Qazaqstan men Ázerbayjan yntymaqtastyghynyng mazmúny bayyp, birlesken iri jobalarmen tolygha týskenin jәne qarqyndy damyp kele jatqanyn joghary baghalady.

Ázerbayjan Preziydenti Qazaqstanmen aradaghy bauyrlastyq baylanystardyng beky týskenin aitty.

Kelissóz barysynda taraptar sauda-ekonomikalyq, kólik-tranzittik, energetikalyq, mәdeniy-gumanitarlyq yntymaqtastyq, sonday-aq sifrlandyru, azyq-týlik qauipsizdigi jәne janartylatyn energiya kózderi salalaryndaghy yqpaldastyq mәselelerin talqylady.

Sonymen qatar eki el ekonomikasynyng damuyna tyng serpin beretin investisiyalyq jobalardy iske asyru perspektivasy qarastyryldy.

Suret Aqorda telegram arnasynan alyndy

Onan song Qasym-Jomart Toqaev Qazaqstan men Ázerbayjannyng Joghary memleketaralyq kenesining birinshi otyrysyna qatysty.

«Sizdi әzerbayjan halqynyng jalpygha birdey tanylghan kóshbasshysy dep bilemiz jәne halyqaralyq arenada da osynday túlgha retinde qabyldaydy. Sonymen qatar Ázerbayjannyng óz egemendigin qalpyna keltiru isinde tarihy jeniske jetkenine shyn jýrekten quanyshtymyz», – dedi Qasym-Jomart Toqaev.

Qazaqstan men Ázerbayjannyng alys-beris, barys-kelisi qay dengeyde?

Memleket basshysy Astana men Baku yntymaqtastyqtyng joghary dengeyin kórsetip, birlesken júmystyng jana baghyttaryn damytyp otyrghanyn erekshe atap ótti.

«Jana ghana biz sauda-ekonomikalyq, investisiyalyq yntymaqtastyqqa, halyqaralyq arenadaghy ózara yqpaldastyqqa qatysty barlyq mәseleni egjey-tegjeyli talqyladyq jәne ortaq úigharymgha keldik. Búl Qazaqstan men Ázerbayjannyn, shyn mәninde, strategiyalyq seriktes, odaqtas memleketter ekenin kórsetedi. Osy orayda eki el ýkimetteri býgin qol qoyylghan qújattar, kelisimder týrindegi uaghdalastyqtardy jýzege asyrumen ainalysatynyn eskersek, yntymaqtastyghymyzdyng perspektivasy óte zor. Men COP29 sammiytine qatysugha shaqyruynyzdy yqylaspen qabyl alamyn. Múnday sharany ótkizu – Ázerbayjan memleketi men onyng diplomatiyasy ýshin aituly tarihy jetistik. Sammit qazirgi klimat mәselelerin retteu jәne jahandyq yntymaqtastyqty nyghaytu túrghysynan óte manyzdy. Baku búl mindetti abyroymen atqaratyny sózsiz», – dedi Memleket basshysy.

«Qazaqstan men Ázerbayjan arasyndaghy tauar ainalymy 2020 jyldan beri 5 ese artty. Áriyne, búl sifr sonshalyqty tanqalarlyq kórsetkish emes shyghar. Búl baghytta júmys isteu kerek, alayda qazirgi sauda qarqyny ong baghalaugha layyq. Elderimiz aitarlyqtay ekonomikalyq әleuetke iye. Biz búdan da zor jetistikke jetemiz dep oilaymyn. Shyn mәninde, yntymaqtastyqtyng auqymy óte ken. Biz býgin múnay men gazdan bólek, kólik pen logistikadan bastap, sifrlandyrugha deyingi mәselelerding bәrin qarastyrdyq. Halyqaralyq arenada tabysty júmys istep jatqanymyzgha kónilim tolady. Birikken Últtar Úiymyndaghy jәne basqa da halyqaralyq úiymdardaghy delegasiyalarymyz ózara jemisti qarym-qatynas jasap otyr. Búl baghyttaghy júmystar jalghasady dep oilaymyn», – dedi Memleket basshysy.

Suret Aqorda telegram arnasynan alyndy

Iliham Áliyev ne deydi?

Ázerbayjan Preziydenti Joghary memleketaralyq kenesting alghashqy otyrysynyng tarihy mәnine toqtaldy. Onyng pikirinshe, Qasym-Jomart Toqaevtyng sapary men Memleketaralyq kenes otyrysynyng qorytyndysy eki el qarym-qatynasynyng aldaghy kýn tәrtibin aiqyndaydy.

«Qazaqstan men Ázerbayjan – bauyrlas memleketter. Halyqtarymyz ghasyrlar boyy tatu, bauyrlas el retinde yntymaqtastyqta ómir sýrip keledi. Songhy kezderi bizding bir-birimizge jasaghan saparymyzdyng jiyiledi. Osydan-aq ózara qatynastardyng qarqyny qanshalyqty kýsheye týskeni aiqyn kórinedi. Biz Qazaqstannyng әr tabysyna quanamyz. Sizdi jәne býkil bauyrlas Qazaqstan halqyn әleumettik-ekonomikalyq jәne innovasiyalyq damu jolyndaghy keremet jetistikterimen qúttyqtaghym keledi. Sonymen qatar biz eki elge ortaq jobalar turaly әngimelestik. Men Qarabaqty qalpyna keltiru isine bauyrlas el retinde jәrdem bergeni ýshin Qazaqstan Preziydentine rizashylyghymdy bildirdim. Fizuly qalasynda Qúrmanghazy atyndaghy Balalar shygharmashylyghy ortalyghy qazaq halqynyng әzerbayjan halqyna tartuy retinde Preziydent Toqaevtyng bastamasymen boy kóterdi. Erteng biz dostyghymyzdyng ortalyghyna ainalatyn osy nysandy ashamyz. Sonday-aq Ázerbayjannyng egemendigin qalpyna keltiru mәselesinde qoldau bildirgenderiniz ýshin alghys aitamyz. Álbette, Ázerbayjanda Qazaqstandy bәri senimdi dos әri odaqtas el retinde tanidy dep oilaymyn», – dedi Iliham Áliyev.

Suret Aqorda telegram arnasynan alyndy

Qos Preziydent Siani qalasynan Apsherongha konteynerli poyyzdyng keluine oray úiymdastyrylghan saltanatty sharagha qatysty.

Qasym-Jomart Toqaev pen Iliham Áliyev Siani qalasyndaghy Qazaqstan men Qytaydyng jana kólik-logistika ortalyghynan shyghyp, Transkaspiy halyqaralyq kólik baghytymen (THKB) Apsheron stansiyasyna konteynerli blok-poyyzdyng keluine oray úiymdastyrylghan saltanatty sharagha telekópir arqyly qatysty.

Búghan deyin biyl 28 aqpanda Sianida Qazaqstan terminaly ashylyp, Qytay – Qazaqstan – Ázerbayjan baghyty boyynsha alghashqy poyyz jolgha shyqqan bolatyn.

Suret Aqorda telegram arnasynan alyndy

Qazaqstan men Ázerbayjan preziydentterining kelissózi nәtiyjesinde mynaday qújattargha qol qoyyldy:

1. Qazaqstan Respublikasy men Ázerbayjan Respublikasy Joghary memleketaralyq kenesining birinshi otyrysynyng sheshimi;
2. Qazaqstan Respublikasynyng Kólik ministrligi men Ázerbayjan Respublikasynyng Sifrlyq damu jәne kólik ministrligi arasyndaghy teniz kemeleri ekipaj mýshelerining kәsiby diplomdaryn ózara tanu turaly kelisim;
3. 2017 jylghy 3 sәuirdegi Qazaqstan Respublikasynyng Bilim jәne ghylym ministrligi men Ázerbayjan Respublikasynyng Bilim ministrligi arasyndaghy bilim beru salasyndaghy yntymaqtastyq, onyng ishinde doktoranturagha oryn bólu turaly kelisimge ózgerister engizu turaly hattama;
4. Qazaqstan Respublikasynyng Sifrlyq damu, innovasiyalar jәne aerogharysh ónerkәsibi ministrligi men Ázerbayjan Respublikasynyng Sifrlyq damu jәne kólik ministrligi arasyndaghy gharysh kenistigin beybit maqsattarda zertteu jәne paydalanu salasyndaghy ózara týsinistik turaly memorandum;
5. Qazaqstan Respublikasynyng Mәdeniyet jәne aqparat ministrligi men Ázerbayjan Respublikasynyng Mәdeniyet ministrligi, Ázerbayjan Respublikasynyng Jastar jәne sport ministrligi arasyndaghy 2024-2025 jyldargha arnalghan is-sharalar jospary;
6. «Samúryq-Qazyna» AQ men Ázerbayjan investisiyalyq holdingi (AIH) arasyndaghy strategiyalyq seriktestik turaly kelisim;
7. «QazMúnayGaz» últtyq kompaniyasy» AQ men Ázerbayjan Respublikasynyng memlekettik múnay kompaniyasy arasyndaghy Ázerbayjan Respublikasynyng aumaghy arqyly qazaqstandyq múnay tranziytining kólemin kezen-kezenimen úlghaytu turaly kelisim;
8. «QazMúnayGaz» últtyq kompaniyasy» AQ men Ázerbayjan Respublikasynyng memlekettik múnay kompaniyasy arasyndaghy qazaqstandyq múnaydy satyp alu-satu salasyndaghy strategiyalyq yntymaqtastyq turaly memorandum;
9. Qazaqstan Respublikasy Preziydentining janyndaghy «Ortalyq kommunikasiyalar qyzmeti» respublikalyq memlekettik mekemesi men Ázerbayjan Respublikasynyng mediany damytu agenttigi arasyndaghy yntymaqtastyq turaly memorandum;
10. Qazaqstan Respublikasynyng «Damu» kәsipkerlikti damytu qory» AQ men Ázerbayjan Respublikasynyng «Shaghyn jәne orta biznesti damytu agenttigi» jariya qúqyq zandy túlghasy arasyndaghy yntymaqtastyq turaly memorandum;
11. Atyrau qalasynyng әkimdigi (Qazaqstan Respublikasy) men Shirvan qalasynyng atqarushy biyligi (Ázerbayjan Respublikasy) arasyndaghy yntymaqtastyqty damytudyng 2024-2026 jyldargha arnalghan is-sharalar jospary;
12. Aqtau qalasynyng әkimdigi (Qazaqstan Respublikasy) men Sumgait qalasynyng atqarushy biyligi (Ázerbayjan Respublikasy) arasyndaghy yntymaqtastyqty damytudyng 2024-2026 jyldargha arnalghan is-sharalar jospary;
13. «Damu» kәsipkerlikti damytu qory» AQ men Ázerbayjan Respublikasynyng Shaghyn jәne orta biznesti damytu agenttigi (KOBIA) arasyndaghy yntymaqtastyq turaly memorandum shenberinde shaghyn jәne orta biznesti qoldau sharalaryn iske asyru jónindegi jol kartasy;
14. Qazaqstan Respublikasynyng «Memlekettik tehnikalyq qyzmeti» AQ men Ázerbayjan Respublikasynyng Arnauly baylanys jәne aqparattyq qauipsizdik qyzmeti arasyndaghy aqparattyq qauipsizdik salasyndaghy ózara týsinistik turaly memorandum.

Suret Aqorda telegram arnasynan alyndy

Al býgin Qasym-Jomart Toqaev Ázerbayjan Respublikasyna memlekettik sapary ayasynda Fizuly qalasyna bardy.

Memleket basshysyn Fizuly qalasynyng әuejayynda Ázerbayjan Preziydenti Iliham Áliyev qarsy aldy. Múnda preziydentter Qúrmanghazy atyndaghy Balalar shygharmashylyghy ortalyghynyng ashylu saltanatyna qatysady. Sonday-aq jergilikti halyqpen kezdesip, aldaghy uaqytta salynatyn Fizuly qalalyq Ortalyq auruhanasynyng jobasymen tanysady.

Búdan keyin eki el basshylary Shusha qalasyndaghy әleumettik-mәdeny jәne basqa da nysandardy aralap kóredi.

Abai.kz