Astanada Botay mәdeniyetin nasihattau maqsatynda Botay jylqysyna eskertkish ornatu jәne ashyq aspan astyndaghy múrajay qúru úsynyldy.

Astanada 13 nauryz kýni respublikalyq «JORYQ» at sporty federasiyasy men Astana qalasy Últtyq jәne olimpiadalyq at sporty týrleri federasiyasy arasynda Memorandumgha qol qoyyldy.

Qújatqa respublikalyq «JORYQ» at sporty federasiyasynyng preziydenti Baqytjan Túrlybekov pen Astana qalasy Últtyq jәne olimpiadalyq at sporty týrleri federasiyasynyng preziydenti Erlan Kanalimov qol qoydy.

14 tarmaqtan túratyn Memorandum eki federasiya arasyndaghy әriptestikti, yntymaqtastyqty nyghaytudy jәne at sportyn damytu men tanymaldyghyn arttyrudy kózdeydi.

Atap aitqanda, taraptar birlese otyryp at sportyn tiyimdi damytugha baghyttalghan bastamalaryna qoldau kórsetuge, Qostanay jәne Aday jylqylarynyng túqymyn, jylqy malynyng qolgha alghash ýiretilgen Botay mәdeniyetin nasihattau barysynda birlesken júmys jýrgiuge uaghdalasty.

Taraptar Astana qalasynyng shaghyn sayabaqtarynyng birinde Botay jylqysyna eskertkish ornatu jәne qoghamdyq kenistikti sol taqyrypta abattandyru men Astana qalasynda ashyq aspan astynda Botay mәdeniyetining múrajayyn úiymdastyru boyynsha birlesip júmys atqarudy da josparlap otyr.

Sonymen qatar, eki federasiya at sportyna ýles qosqan azamattardy jyl sayyn qoshemetteu jәne marapattau saltanatty sharasyn úiymdastyryp, joghary oqu oryndarymen birlesken sharalar ótkizbekshi.

Búghan qosa qazaq jylqysyn, onyng qazaq túrmysy men mәdeniyetindegi ornyn  nasihattau jolynda Astana qalasyndaghy teatrlardyng birinde arnayy qoyylym kórsetu boyynsha birlesken júmys ta qolgha alynbaq.

Abai.kz