Álginde ghana ózining besinshe mәrte taqqa otyrghan rәsimin úlyqtap ótkizgen Resey preziydenti Vladimir Putin Ýkimette azdy-kem auys-týiis jasady. Búl turaly Mezgil.kz aqparattyq portaly jazdy. 

Resey basshysy jasaghan auys-týiister aitarlyqtay bola qoyghan joq. Premier-ministr Mihail Mishustin bastaghan Ýkimetting kóp mýshesi óz qyzmetterin saqtap qaldy. Qyzmetinde qalghandardyng biri – Sergey Lavrov.

Vladimir Putin Reseyding SIM basshysy lauazymyna qayta taghayyndau ýshin Sergey Lavrovtyng kandidaturasyn úsyndy. Osy taghayyndau kezinde Lavrov búrynghy jýrisinen janylmay, Batysqa juan júdyryghyn biledi. Sonda Lavrov ne dedi?

«Eger Batys elderi Ukraina daghdarysyn úrys alanynda sheshkisi kelse, onda Mәskeu oghan dayyn. Búl joldy tandau – olardyng qúqyqtary», - dedi ekilenip, ekpindetip. Búl Lavrovtyng ministr mindetin atqarushy degen uaqytsha statusta aitqandary.

Mausym aiynda әlemning 160-tan astam memleketi Shveysariyada jiylyp, Ukraina boyynsha «beybitshilik konferensiyasyn» ótkizetini belgili. Búl alqa-qotan jiyngha Resey shaqyrylmady. Shetqaqpayldandy. Osyghan ókpelegendey, Sergey Lavrov: «Olardyng Reseydi shaqyrmauy – oqushygha sógis bergeni sekildi», - dep sóiledi. Dep sóilep toqtaghan joq. Ári qaray jalghap: «Shveysariya kýn tәrtibinde ne qoyylsa da, beybit kelissózder ótkiziletin oryn retinde týkke túrghysyz», - dedi Sergey Lavrov.

Ayta keteyik, atalghan konferensiya júmysy Ukraina preziydenti Vladimir Zelenskiy úsynghan formulagha negizdelgen. Onda Qytay tarapy úsynghan «beybitshilik formulasy» da talqylanbaq.

Onan әri: «Shveysariyany biz osyghan deyin beytarap el dep atap kelsek, dәl qazir Shveysariya Ukrainanyng soyylyn soghushygha ainalyp, dәstýrli ústanymynan aiyryldy», - dep kijindi. Kijindi de: «Resey shaqyrylmaghan búl konferensiya tek Mәskeuge ulitimatum qoigha qauqarly», - dep sóiledi.

Lavrov osylay dep jatqanda, Reseyding federaldyq kenesi «Reseybasynyng senimdi serigi bolghan Sergeydi» SIM basshysy qyzmetine qayta taghayyndap ýlgerdi.

Al Reseylik BAQ bir-birining auzyna týkirip qoyghanday: «NATO elderi qaqtyghysqa tikeley aralasugha qúlyqty. Búl otpen oinau», - degen tezisti tarqatysyp jatyr.

Sergey Lavrov: «Ukrainagha arnalghan qaru-jaraq tiyelgen kez kelgen jýk - Resey ýshin zandy maqsatty nysangha ainalady», - dep qúqaylandy.

Lavrovtyng aituynsha, NATO men AQSh týbi búl soghysqa aralasady. Jәne AQSh pen NATO qaqtyghysqa tek qaru-jaraq jetkizumen ghana emes, Úlybritaniya, Germaniya, Italiya jәne basqa da elder aumaghynda kadrlar dayarlaumen de tikeley qatysady-mys.

Abai.kz