Álginde ghana Resey Ukraina qalalaryna jappay zymyran jәne dron soqqylaryn jasady. Ukraina tarabynyng esebinshe, Resey bir degende Ukrainanyng 15 aimaghyna soqqy bergen. Ol ýshin 127 zymyran, 109 soqqylaushy dron qoldanghan.

Búl Reseyding songhy ailardaghy eng auqymdy «shabuyly» boldy. Ony preziydent Zelenskiy de, ministr Umerov te aitty.

Resey qanday zymyrandar men drondar qoldandy? Jauap mynau: «Shahed» drondary, «Qanatty zymyrandar» men «Kinjaldar» qoldanghan.

Soqqylar Ukrainanyng energetikalyq jәne azamattyq infraqúrylymdaryna baghyttalghan. Sәikesinshe, elektr stansiyalary, óndiris oryndary men túrghyn ýiler qiraghan. 50 shaqty eldimeken zardap shegip, 57 nysan býlingen. Qaza tapqan beybit túrghyndar men balalar da bar. Osy shabuyldyng saldarynan Ukrainanyng biraz aimaghy jaryqsyz qalghan. Reseyding basty kózdegen nysandarynyng biri – Kiyev GES-i bolghan. Atalghan GES-ting 2 blogy isten shyqqan.

Preziydent Zelenskiy: «Qolbasshy Syrskiymen úzaq kenestim. Layyqty jauap bolady. Qazirgi sәtte qarsylasqa qarymta jauapty dayyndaudamyz», - dedi.

Osydan son, Batys aqparatynda shyqqan 2 habar:

«Associated Press»: «Ukraina Reseyding ishki aumaqtaryna soqqy jasamaq. Ol ýshin Batystyng rúqsaty kerek emes, sebebi, Ukraina «Palyanisya» soqqylaushy dron-zymyrandaryn qoldanbaq. Búl zymyran-drondar boljaldy týrde 600-700 shaqyrymgha deyin jetui mýmkin», - dep jazady.

Al «Politico»: «Ukrainagha AQSh-qa tizim úsynbaq. Onda Reseyding ishki aumaqtaryndaghy potensialdy nysandar tizimdelgen. Búl tizimdi Vashingtonnyng maqúldauyna ministr Rustem Umerov alyp barmaq», - deydi.

Ukraina qazir de Reseyding ishki aumaqtaryna soqqylaushy drondar arqyly kýn sayyn barlau jasap keledi. Salystyryp aitsaq, Ukrainanyng soqqylary Reseydiki sekildi jappay hәm betalbaty soqqylar emes, naqty startegiyalyq infraqúrylymdargha, MÓZ-der men әskery nysandargha, sonyng ishinde әue ailaqtaryna baghyttaluda.

Al «Forbes»: Reseyding keshegi Ukrainagha jasaghan jappay soqqysy Kremli qazynasy ýshin eng qymbat soqqylardyng biri bolghanyn jazypty. Úshyrylghan zymyrandar men drondardyng baghalaryn eseptep kelip: « Búl shabuyldyng qúny - 1,3 mlrd dollardy qúrady», - degen qorytyndygha toqtaghan.

Solay, Reseyding Ukrainagha jasaghan bir jolghy jappay soqqysynyng qúny Resey budjeti ýshin osynsha shyghyn bolsa, arghysyn eseptey beriniz. Soghystyng jalghasyp jatqanyna 3 jylgha tayau uaqyt boldy.

Núrgeldi Ábdighaniyúlynyng jelidegi jazbasy

Abai.kz