Aqmola oblysy әkimdigining baspasóz qyzmetinen atap ótkendey, Atbasar qalasynda kóktemgi su tasqynynan zardap shekken 200 adamnyng jәne su tasqyny qaupi bar aimaqtaghy túrghyndardyng kiltteri tapsyryldy.  

Su tasqyny saldarynan túrghyn ýii túrugha jaramsyz dep tanylghan 127 otbasy ýshin pәterler qarastyrylghan. Taghy 73 otbasy audan ortalyghynyng su tasqyny qaupi bar aimaghynan qonys audarady.

Kiltterdi Aqmola oblysynyng әkimi Marat Ahmetjanov tapsyrdy.

«Býgin biz ýlken oqighanyng kuәsi boldyq: birden 200 otbasy jana pәter aldy. Býgingi quanyshty oqigha - su tasqynynan zardap shekkenderge kiltterdi tapsyru Konstitusiya kýnin merekeleu qarsanynda ótetini erekshe manyzdy. Bolashaqta jana pәterlerde tek baqytty oqighalar bolsyn», - dep atap ótti ónir basshysy.

Jana ýiler qalanyng qauipsiz bóliginde ornalasqan. Pәterlerding ishi әrlengen, әrqaysysynda santehnikalyq jabdyqtar men su jylytqyshtar ornatylghan. Aulada balalardyng oiyn jәne vorkaut-alandary, futbol-basketbol alany ornalasqan.

Komissiya sheshimimen kópbalaly ana Júldyz Sәduaqasovanyng túrghyn ýii odan әri túrugha jaramsyz dep tanyldy. Býgin audan ortalyghynyng túrghyny jana pәterding kiltin aldy.

«Sәuir aiynda bir týnde mening ýiim su astynda qalghanda, ne isterimdi bilmedik. Memleket basshysyna jәne barlyq memlekettik organdargha qiyn jaghdayda qoldau kórsetkeni jәne jedel әreket etkeni ýshin rahmet. Qazir mening quanyshymda shek joq. Endi mening balalarym jayly jaghdayda ómir sýretin bolady», –dep bólisti J.Sәduaqasova.

Sonday - aq, baspanaly bolghandardyng biri - zeynetker Idris Baylinde quanyshymen bólisti.

«2017 jyly eger su tek baqshagha kelse, biyl ýige keldi. Memleket bizge ýiler saldy, biz dayyn jana ýige kóshtik. Jana ýide men balalarmen jәne nemerelermen birge túramyn. Balalargha jana oiyn alany únaydy», - deydi zeynetker Idris Bayliyn.

Esterinizge sala keteyik, oblys boyynsha da, audan boyynsha da su tasqyny saldaryn joy boyynsha júmystar belsendi jýrgizildi. Atbasar qalasynda aghymdaghy jyldyng kókteminde 375 otbasy su tasqynynan zardap shekti.

Biyl pәter satyp alu esebinen 38 otbasy qonys audardy, býginde eki jýz pәterding kiltteri tabystaldy. Sonday-aq, jyl sonyna deyin 145 pәterlik taghy eki túrghyn ýidi iske qosu josparlanuda.

Osylaysha, túrghyndardy su basu aimaghynan kóshiru mәselesi tolyghymen sheshiletin bolady.

Abai.kz