اقمولا وبلىسى اكىمدىگىنىڭ ءباسپاسوز قىزمەتىنەن اتاپ وتكەندەي، اتباسار قالاسىندا كوكتەمگى سۋ تاسقىنىنان زارداپ شەككەن 200 ادامنىڭ جانە سۋ تاسقىنى قاۋپى بار ايماقتاعى تۇرعىنداردىڭ كىلتتەرى تاپسىرىلدى.  

سۋ تاسقىنى سالدارىنان تۇرعىن ءۇيى تۇرۋعا جارامسىز دەپ تانىلعان 127 وتباسى ءۇشىن پاتەرلەر قاراستىرىلعان. تاعى 73 وتباسى اۋدان ورتالىعىنىڭ سۋ تاسقىنى قاۋپى بار ايماعىنان قونىس اۋدارادى.

كىلتتەردى اقمولا وبلىسىنىڭ اكىمى مارات احمەتجانوۆ تاپسىردى.

«بۇگىن ءبىز ۇلكەن وقيعانىڭ كۋاسى بولدىق: بىردەن 200 وتباسى جاڭا پاتەر الدى. بۇگىنگى قۋانىشتى وقيعا - سۋ تاسقىنىنان زارداپ شەككەندەرگە كىلتتەردى تاپسىرۋ كونستيتۋتسيا كۇنىن مەرەكەلەۋ قارساڭىندا وتەتىنى ەرەكشە ماڭىزدى. بولاشاقتا جاڭا پاتەرلەردە تەك باقىتتى وقيعالار بولسىن»، - دەپ اتاپ ءوتتى ءوڭىر باسشىسى.

جاڭا ۇيلەر قالانىڭ قاۋىپسىز بولىگىندە ورنالاسقان. پاتەرلەردىڭ ءىشى ارلەنگەن، ارقايسىسىندا سانتەحنيكالىق جابدىقتار مەن سۋ جىلىتقىشتار ورناتىلعان. اۋلادا بالالاردىڭ ويىن جانە ۆوركاۋت-الاڭدارى، فۋتبول-باسكەتبول الاڭى ورنالاسقان.

كوميسسيا شەشىمىمەن كوپبالالى انا جۇلدىز سادۋاقاسوۆانىڭ تۇرعىن ءۇيى ودان ءارى تۇرۋعا جارامسىز دەپ تانىلدى. بۇگىن اۋدان ورتالىعىنىڭ تۇرعىنى جاڭا پاتەردىڭ كىلتىن الدى.

«ءساۋىر ايىندا ءبىر تۇندە مەنىڭ ءۇيىم سۋ استىندا قالعاندا، نە ىستەرىمدى بىلمەدىك. مەملەكەت باسشىسىنا جانە بارلىق مەملەكەتتىك ورگاندارعا قيىن جاعدايدا قولداۋ كورسەتكەنى جانە جەدەل ارەكەت ەتكەنى ءۇشىن راحمەت. قازىر مەنىڭ قۋانىشىمدا شەك جوق. ەندى مەنىڭ بالالارىم جايلى جاعدايدا ءومىر سۇرەتىن بولادى»، –دەپ ءبولىستى ج.سادۋاقاسوۆا.

سونداي - اق، باسپانالى بولعانداردىڭ ءبىرى - زەينەتكەر يدريس بايليندە قۋانىشىمەن ءبولىستى.

«2017 جىلى ەگەر سۋ تەك باقشاعا كەلسە، بيىل ۇيگە كەلدى. مەملەكەت بىزگە ۇيلەر سالدى، ءبىز دايىن جاڭا ۇيگە كوشتىك. جاڭا ۇيدە مەن بالالارمەن جانە نەمەرەلەرمەن بىرگە تۇرامىن. بالالارعا جاڭا ويىن الاڭى ۇنايدى»، - دەيدى زەينەتكەر يدريس بايلين.

ەستەرىڭىزگە سالا كەتەيىك، وبلىس بويىنشا دا، اۋدان بويىنشا دا سۋ تاسقىنى سالدارىن جويۋ بويىنشا جۇمىستار بەلسەندى جۇرگىزىلدى. اتباسار قالاسىندا اعىمداعى جىلدىڭ كوكتەمىندە 375 وتباسى سۋ تاسقىنىنان زارداپ شەكتى.

بيىل پاتەر ساتىپ الۋ ەسەبىنەن 38 وتباسى قونىس اۋداردى، بۇگىندە ەكى ءجۇز پاتەردىڭ كىلتتەرى تابىستالدى. سونداي-اق، جىل سوڭىنا دەيىن 145 پاتەرلىك تاعى ەكى تۇرعىن ءۇيدى ىسكە قوسۋ جوسپارلانۋدا.

وسىلايشا، تۇرعىنداردى سۋ باسۋ ايماعىنان كوشىرۋ ماسەلەسى تولىعىمەن شەشىلەتىن بولادى.

Abai.kz