Qazaqstannyng kenestik kezeninde el ýshin enirep, júrt ýshin júmylyp, halyq ýshin qaltqysyz qyzmet etken basshylar az bolghan joq. Solardyng biri jәne biregeyi, esimimen elge tanymal, memleket jәne qogham qayratkeri, biyl 120 jasqa tolyp otyrghan – Ondasynov Núrtas Dәndibayúly edi.

Núrtas Dәndibayúly 1904 jyly 26 qazanda Týrkistan jerinde dýniyege keldi. Balalyq shaghynda auyl moldasynan arabsha tóte jazudan dәris alyp, «Qissa» jәne «Dastandar» oqyp, últtyq ruhta tәrbie aldy. Balalyq jәne jastyq shaghy 1917 jylghy eki birdey tónkeris, 1918-1920 jyldardaghy azamat soghysynyng otty jyldaryna sәikes keldi. 3-4 jasynda anasynan, 13 jas shamasynda әkesinen jastay aiyryldy. Balalyq shaghy kenes ýkimetining qúrylyp jatqan túsynda, qoghamnyng bir formasiyadan ekinshi formasiyagha ótip, halyq eshteneni týsinip-bilip jatpaghan ótpeli kezende ótti. Búl kezde basshylyqtyng solaqaylyghy halyqty ashtyqqa úryndyrdy, el kýnkóris, bir ýzim nan ýshin basy aughan jaqqa bosyp ketti. Ol da kóppen birge Tashkent auyp kete bardy. Núrtas 1920-1922 jyldary Tashkenttegi №14 mektep-internatta tәrbiyelendi. Onda orys tilinen Ghany Múratbaev, arab tilinen Ámin Jýsipov dәris berdi. Núrtas 1921 jyldyng sәuir aiynda Ghany Múratbaev úiymdastyrghan komsomol úiymyna mýshelikke qabyldandy.

Mektep-internatty tamamdaghannan keyin 1923-1927 jyldar aralyghynda Núrtas Tashkent Orman sharuashylyghy tehnikumynda bilim aldy. 1927-1930 jyldary Qyzylorda, Jambyl jәne Shymkent qalalarynda Su sharuashylyghy mekemesining qyzmetkeri boldy. Jas kezinen alghyr, zerek jas jigit 1930-1934 jyldary Tashkenttegi Orta Aziya uniyversiytetine qarasty Irrigasiya institutynda oqydy. Al 1934-1938 jyldary Qazaq Orman sharuashylyghy basqarmasynda orynbasar, keyinirek basshylyq qyzmet atqardy. Ol qyzmet babymen órlep, 1938 jyly Shyghys Qazaqstan (Semey) oblystyq atqaru komiytetine tóragha bolyp taghayyndaldy.

1938 jylghy shilde aiynda N.Ondasynov Qazaqstan Kommunistik partiyasy Ortalyq komiytetining mýsheligine ótip, Qazaq KSR Jogharghy Kenesining birinshi sessiyasynda Qazaq KSR Ýkimetining (Halyq Komissarlar Kenesinin, keyin Ministrler Kenesinin) tóraghasy bolyp taghayyndaldy. Búl qyzmetti ol 1951 jyldyng qazan aiyna deyin atqardy.

Qiyn jәne auyr kezenderde 13 jyl boyy Ýkimet basshysy bolghan ol eldegi sauatsyzdyqty joygha kiristi. Onyng túsynda shalghay audandarda múghalimderdi dayarlau boyynsha uchiliysheler men kurstar, oblys ortalyqtarynda Múghalimder instituttary ashyldy. Qazaqstan OK burosynyng mýshesi retinde N.Ondasynov mәdeniyet mәselelerine jauapty boldy.

Onyng esimi Qazaqstannyng damu kezenimen tyghyz baylanysty boldy. Qazaq últtyq Qyzdar pedagogikalyq uniyversiyteti, Últtyq konservatoriya, dene shynyqtyru instituty, poliytehnikalyq jәne tehnologiyalyq instituttar ashylyp, medisina institutynda, Shet tilder institutynda fakulitetter keneytildi. Abay atyndaghy Opera jәne balet teatry qúrylysynyng ayaqtaluyn tikeley ózi baqylap, oblystyq teatrlardyn, filarmoniyanyn, әn jәne by ansamblining ashyluynyng bastamashysy boldy.

Qazaqstanda derbes ghylym akademiyasyn qúrugha kómektesti. Soghys jýrip jatqanyna qaramastan, N.Ondasynov ghimarattyng qúrylysyna qarajat bóldi. Ol ghylym akademiyasyn Q.Sәtbaev basqardy. N.Ondasynovqa Q.Sәtbaevtyng gazette ghylymnyng bolashaghy turaly aitqan oilary únady jәne ony jaqynyraq bilu ýshin Q.Sәtbaevty Mәskeuge shaqyrdy. Kezdesip, әngimelesip, N.Ondasynov ony KSRO Ghylym Akademiyasynyng preziydenti V.Komarovqa aparyp, Q.Sәtbaevty Qazaq Ghylym akademiyasynyng bolashaq preziydenti retinde tanystyrdy.

1942 jyldyng basynda Rudnyy Altay men Leninogorgha issaparmen kelgen N.Ondasynov bilimdi әri salmaqty azamat Dinmúhamed Qonaevty kezdestirdi. Almatygha oralyp, Qazaqstan Kompartiyasy Ortalyq Komiytetining birinshi hatshysy N.Skvorsovpen aqyldasa kele, D.Qonaevty orynbasary etip shaqyrdy. D.Qonaev 10 jyl N.Ondasynovtyng orynbasary boldy.

N.D. Ondasynovtyng iskerligi men joghary jauapkershiligi halyq basyna qiyn kýn tughan, әsirese Úly Otan soghysy jyldarynda bayqaldy. Ol Ýkimet basshysy retinde radio men baspasóz betterinde halyqty fashist basqynshylaryna qarsy jan ayamay kýresuge shaqyrdy. Búdan keyin barlyq óndiris oryndary men mekemelerde, auyldar men kentterde mitingiler ótkizilip, halyqtyng kýsh-jigerin maydan mýddesine, jaudy jenu maqsatyna júmyldyryldy. Respublikadan atqyshtar jәne atty әsker brigadalary jasaqtaldy. Almaty, Jambyl,  Ontýstik Qazaqstan, Qyrghyzstannan shaqyrylghan azamattardan 316-atqyshtar diviziyasy jasaqtaldy. Búghan qosa, alghashqy ýsh ay ishinde 238, 310, 314, 357 jәne  391-atqyshtar diviziyasy qúrylyp, Núrtas Ondasynov olardyng aldynda sóz sóilep, maydangha shygharyp saldy.

Respublikada sharuashylyqty soghys jaghdayyna baylanysty beyimdep qayta qúru bastaldy. Ortalyq jәne oblystyq memlekettik organdar janynan júmys kýshin bólu jónindegi buro, evakuasiyalanghan halyqty sharuashylyqqa ornalastyru, әskery tapsyrystar men evakuasiyalanghan jabdyqty qúrastyru jónindegi bólimder úiymdastyryldy. 1941 jylghy shildening ortasynan  Qazaqstangha qonys audarghan adamdardyng sany 386 myngha jetti. Halyqpen birge 142 zauyt, fabrikalar da keldi. Kóship kelgenderding ýshten biri qalalargha, iri ónerkәsip ortalyqtaryna jayghasty. Respublikagha 149 jetim balalar ýii kóship keldi. Osynyng bәrin jayghastyru mindeti Qazaqstan ýkimetinen bastap, jergilikti atqaru komiytetterine jýkteldi.

N. D. Ondasynov – Úly Otan soghysy jyldarynda da, soghystan keyingi kezenderde de erekshe iskerlik, úiymdastyrushylyq qabilet kórsetken basshy. Búl Qazaqstanda bastalghan Ertis-Qaraghandy, Arys-Týrkistan, Myrzashól kanaldary, Atyrau, Temirtau, Jezqazghan, Balqash alyp zauyttary, Moyynty-Shu temir joly jәne t.b. úly qúrylystardyng bastau alghan jauapty kezender edi.

Búdan basqa Qaraghandy metallurgiyasyn, Moyynty-Shu temir jolyn, teriskeyge temir jol tartu, elimizding múnay-gaz salasyn iygeruge úiytqy boldy. 1951-1953 jyldar aralyghynda Mәskeudegi Kenes Odaghy Kommunistik partiyasy Ortalyq komiytetining janyndaghy Joghary Partiya mektebining tyndaushysy boldy. 1954 jylghy nauryz aiynda Qazaqstan Jogharghy Kenesi Prezidiumynyng (Tóralqasynyn) tóraghasy bolyp saylandy.

Búl qyzmetten qalyng búqaragha jaqynyraq jerge súranyp, keyingi jeti jyl (1955-1962) ómirin Gurievte (Atyrauda) ótkizdi. Qazaqstannyng bolashaq múnay derjavasy retinde qalyptasuynda N.Ondasynov erekshe ról atqardy. Onda eki jyl Halyq deputattary Oblystyq Kenesining tóraghasy, bes jyl Qazaqstan KP Oblystyq komiytetining birinshi hatshysy qyzmetterinde bolyp, zeynetkerlikke shyqty. Sóitip, N.Ondasnovtyng 25 jylday ómiri kenestik-partiya qyzmetinde ótti.

N.Ondasynovtyng qayratkerligi KSRO basshysy N.S. Hrushevke únamay, ekeui qyzmet barysynda jiyi-jii kelispeushilikke barypty. Nәtiyjesinde, 1962 jyly Ondasynovty Guriev (Atyrau) oblysy basshylyghynan 58 jasynda ketiruge N.S. Hrushev qúpiya tapsyrma bergen. Óitkeni ekeui ýsh mәselede kelispey qalghan. Últ qayratkeri birinshi, tyng iygeruge, ekinshi, Ontýstik Qazaqstan audandaryn Ózbekstangha beruge jәne ýshinshi, Manghystau múnayyn iygeremiz degen de, Hrushev Sibir múnayyn iygeremiz, Manghystau múnayynyng qajeti joq dep aitysyp qalghan. Kenestik qyzyl imperiya basshysyna pikirin ashyq aityp, qarsy shyqqany ýshin onyng qyryna ilikken. Biraq, odan taysaqtap, keshirim súrap iyilmegen. Últtyq mýddeni qorghay bilgen azamat. Sol sebepti, ony erterek zeynetkerlikke shyghartugha astyrtyn әreket jasalghan.

13 jyl Qazaqstan ýkimetin basqarghan N.Ondasynov: «Men ýsh nәrseden tazamyn. Birinshiden, sonsha jyl el basqarghan kezimde bireuge ótirik jala jauyp, qiyanatqa barghan emespin, bireuden bir som da para alghan emespin – qolym taza! Ekinshiden, 1937-38 jyldardaghy qaraly kýnderde bozdaqtardy atyp jatqanda, bir qaghazgha qol qoyghan emespin – arym taza! Ýshinshiden, adamdardy atagha, rugha, jýzge bólgen emespin – jýzim taza!» – degen sózderimen ar aldynda aq ekenin, ózining adal qyzmet atqarghanyn aityp ketti.

N.Ondasynov arab, parsy tilderin jaqsy bildi. 1962 jyly zeynetke shyqqannan keyin ol shygharmashylyqpen ainalysty. Onyng 1969 jyly «Arab-qazaq týsindirme sózdigi», 1974 jyly «Parsy-qazaq týsindirme sózdigi» jaryq kórdi. 1989 jyly qaytys bolghangha deyin osynday ýlken ghylymy júmystarmen ainalysty. N.Ondasynov ýsh Lenin ordenimen jәne eki Enbek Qyzyl Tu ordenimen, kóptegen medalidarmen jәne qúrmet gramotalarymen marapattaldy.

Ol Ýkimetti basqarghan on ýsh jyl ishinde Mәskeuden týsken búiryqty búljytpay oryndap otyratyn qyzmetker emes, halyq iygiligi ýshin kýrmeui kóp kýrdeli mәseleler men iygi bastamalar kóterip, ony sheshe biletin  qayratkerge, esimi erekshe túlghagha ainaldy. 

Bolat Saylan

Ál-Faraby atyndaghy QazÚU-nyng Professory, tarih ghylymdarynyng doktory

Abai.kz