Sәtbaev qalasyndaghy «Qazaqmys» korporasiyasyna tiyesili shahta kenshileri 17 jeltoqsannan bastap ereuildep jatyr. Júmysshylar negizinen jalaqyny ósirudi, enbek jaghdayyn jaqsartudy talap etedi. Olar júmysty toqtatqan. Býgin «Qazaqmys» korporasiyasy júmysshylardyng ýndeuine qatysty mәlimdeme jasady.

RESMY MÁLIMDEME

Qazirgi uaqytta «Qazaqmys» korporasiyasynyng kәsiporyndaryndaghy jaghday túraqty.

Keybir mәlimdemelerge qaramastan, kompaniya basshylyghy men әleuetti qúrylymdar tarapynan júmysshylargha eshqanday qysym kórsetilip jatqan joq.

Jezqazghan mys qorytu zauyty, Jaysan, Shatyrkól, Sayaq kenishteri, sonday-aq Jylandy, Jomart, Batys jәne Shyghys kenishterindegi ýngileu brigadalary júmysyn qayta bastady.

«Qazaqmys» korporasiyasy jaghdaydy tezirek retteuge mýddeli. Búghan deyin habarlanghanday, korporasiya eki negizgi tarmaqtyng oryndaluyn rastady. Olar:

-   13-shi jalaqygha qosymsha 30% syiaqy tóleu;

-   toqsan sayyn syiaqy tóleu.

Sonymen qatar, 2025 jyldyng 1 qantarynan bastap enbekaqyny 8,5%-gha indeksteu úsynysy óz kýshin saqtap qaldy.

Ayta ketu kerek, júmysshylardyng jalaqysy enbekaqydan jәne syiaqydan túrady. Syiaqy óndiristik jospardyng oryndalghanyna nemese oryndalmaghanyna qaramastan tólenedi. Qazirgi uaqytta ortasha jalaqy 730 431 tengeni qúraydy, búl Qazaqstandaghy ortasha jalaqydan eki eseden astam joghary.

65 shahtadaghy (OJK) júmysshylardyng shaghyn tobyn qospaghanda*, shamamen 40 myng adamnan qúralghan júmyskerlerding basym kópshiligi úsynylghan sharttardy qoldady.

Kelisimge sәikes, júmys jalghasyp jatqan nemese qayta bastalghan kenishterde 13-shi jalaqygha syiaqy tolyq kólemde tólendi.

«Qazaqmys» korporasiyasy shahtalardaghy júmysshylardy ystyq tamaqpen qamtamasyz etudi jalghastyruda jәne jaghdaydy mýmkindiginshe tezirek sheshu ýshin ashyq dialogqa úmtylyp jatyr.

Abai.kz