Jazushy Talasbek Ásemqúlovtyng ssenarii boyynsha rejisser, akter Doshan Joljaqsynov týsirgen «Qúnanbay» filimi – qazaq kinosyndaghy tarihy qaharmandar qosynyna qosylghan qomaqty ýles eken. Kinony kórgennen keyingi alghashqy týigen oiymyz osy boldy.

Jasyratyny joq, bizding bar biletinimiz – Múhtar Áuezovtyng «Abay joly» epopeyasyndaghy Qúnanbay. Ony da úly jazushymyz óz basy sol zamanda biraz týrtpekke týsip, qyspaqqa alynghan son, kemenger Abaydyng kemel beynesin aman alyp shyghu maqsatynda, sayasattyng salqynyna qúrban etken jartykesh túlgha, jaghymsyzdau obraz edi. Yaghny әu basta Áuezov oigha alghan tolyqqandy Qúnanbay emes-ti. Biraq keyingi úrpaq Abay әkesin sol kenes zamanyndaghy kózqaraspen – asa qatal, óte dinshil, tym eskishil dep qabyldaghany anyq.

Al kinodaghy Qúnanbay bizge basqasha әser etti. Ekrannan biz әr qadamyna jauapkershilikpen qaraytyn, әrbir sózin ekshep aitatyn, sheshim shygharu ýshin úzaq oilanyp-tolghanyp, tarazy basyn teng ústaugha tyrysatyn, әr baylam-kesimining ar jaghynda odan keyingi el ishi, adam taghdyry qalay bolaryna alang kónili sezilip túratyn dana Qúnanbaydy kórdik. Qodar-Qamqa oqighasyn estigen zamat «el ishindegi jel sóz bolar, qaghys estigen bireuding qaueseti shyghar» dep, jigitterin jay-japsardy anyqtaugha, naqty kuәler tabugha júmsauy – ashuyn aqylgha jendirgen sabyrly jannyng minezin ghana emes, «bizding elde onday súmdyqtyng boluy mýmkin emes» degen ishki ýmitin, «jalghan aqpar bolyp shyqsa eken» degen janashyrlyq tileuin andatady. Ókinishke qaray, atasy men kelinining masqarasy ras bolyp shyghady da, Qúnanbaydyng ru biylerimen aqyldasa otyryp, qatang sheshim qabyldauyna tura keledi.

Osy bir olay tartsang ógiz óletin, bylay tartsang arba synatyn dýdәmal dau turaly tolghanu barysynda oghan kópti kórgen anasy Zerening qosqan aqyly da kókeyge qonymdy kórinedi. Tap osy kóriniste rejisser-Doshannyng keremet sheshimine kuә bolamyz. Kiyiz ýy ishi. Zere anamyzdyng janynda ot janyp jatyr. Qúnanbay sәl aryraqta oilanyp otyr. Qúnanbaydy iri planmen kórsetkende onyng eki jaghynda da ot alaulap túrghanday bolady. Qodar men Qamqany jazasyz qaldyrsa – múnday masqaragha keshirimmen, tipti kóz júma qaraghany bolmaq, al ol ekeuin jazagha tartsa – ruly el, qauym júrttyng nazasyna qaluy da mýmkin, yaghny eki ottyng ortasynda túrghan biyding tyghyryqqa tirelgen keypin keremet túspaldaydy.

El ishindegi basqa da dau-damay, barymta-janjaldardyng týiinin sheshude de Qúnanbaydyng qara qyldy qaq jarar әdildigi, aldymen el tynyshtyghyn oilaytyn kemengerligi bayqalyp otyrady. Oyazgha aryz aidaushylardyng jalasymen abaqtygha jabylyp, tergeuge týskende de onyng sózge sheshendigi, oy alghyrlyghy, ústanymyna adaldyghy kórinis tabady. Orys mayory qanday qiytúrqy súraq qoysa da, Qúnanbay dәlel-dәiegimen qarsy uәj aityp, sheneunikti sýrindire beredi. Kenesarymen qanday baylanysy baryn, oghan Tәttimbetti ne ýshin júmsaghanyn tәptishtep súraghan úlyqqa shynyn aityp: «Men óz qazaghyma qarsy oq atpaymyn dep orta joldan attyng basyn tarttym. Óitkeni men eng әueli Allanyng qúlymyn, sonan song baryp patsha ókimetining qyzmetkerimin», – dep jauap beredi.

Qajygha barghany, meshit saldyrghany, mektep ashqany kinoda naqty kórsetilmese de, onyng týrmede de qolynan kitaby týspeui, kiyiz ýiding birinde әldebir jas moldanyng balalargha «әlip», «bi» jattatyp jatuy, filim sonynda bala Abaydy ertip Zere anasynyng basynda Qúran oqytuy, kýmbezi kýnmen talasqan meshit ýiining kórinui – múnyng bәri Qúnanbaydyng dinge berik, imany kәmil adam ekenin bayqatady. Qúnanbay-Baraq liniyasy da jaqsy shyqqan: bastapqyda ýnemi daulasyp, kózqarastary ýilespey, pikirleri kelispey, bylayghy júrt «bir-birine ata jau» sanap jýrgen eki by aqyrynda qúshaqtasyp tabysady. Qúnanbay itjekkenge aidalyp bara jatqanda, Baraq by qisapsyz jylqysynyng qyruaryn shyghyndap, kepilge tólep, biydi qútqaryp qalady. Janyna top jigit ertip, joldan qaytaryp alghan Qúnanbaymen kórisip túryp, Baraq: «Bekem bol, bi, Zere anamyzdan airylyp qaldyq», – degende keyipkerlermen birge jýregi qan jylamaytyn, kónili bosamaytyn jan bolmas, sirә.

Ókinishke qaray, eki-ýsh-aq ret kórinetin bala Abaydyng oiyny da, sóileui de shynayy shyqpapty. Búl – tek «Qúnanbaygha» ghana emes, jalpy keyingi jyldardaghy qazaq kinosyna tәn kemshilik. Talantty balalardy taba bilmeymiz be, әlde sol jetkinshekterdi jetelep, shynayy oinata almaymyz ba – әiteuir bir kemshiligimiz bar. Sosynghy bir mәsele – kiyim mәselesi. Qazaqta qara, qonyr, qaraqonyr, súr, qarasúr týsterden basqa týs bolmaghan ba mýlde? Filimdegi Qúnanbaydan basqa qazaqtardyng bәri osynday sýrensiz, súrqay kiyinip, ózderining de, tuyndynyng da renin búzyp-aq túr. Keybirining shekpen-shapany tipti malqoranyng ishinde әldeneshe ret tayyp-jyghylyp túrghanday qy týstes, kóng sipattas, shaldyng shaqshasyndaghy nasybayday kýngirt jasyl birdeme. Tym bolmasa qyz-kelinshekterdi jóndep hәm sәndep kiyindiruge bolmas pa edi? Olardyng kiyimderining týsi de janaghy súryqsyzdyqtan asyp kete qoymaghan: týsi onynqyraghanday seziletin aqshyl nemese súrghyltym kóilek, kiyiz ýiding ónine úqsas qonyrqay qamzol, t.b. Sonda qyzghaldaqtay qan qyzyl, raushan gýlindey ashyq qyzyl, sarghaldaqtay sary, jynghyldyng kýltelengen úshynday kýlgin, masaty maysaday jasyl, kórkem kóldey kógildir, mamyq maqtaday appaq, qyrmyzyday qyzghyltym týster qayda? Mozaikaday san qúbyla qúlpyrghan osy ren-boyaulardy, naqysh-órnekterdi qúryghanda qyz-qyrqyndardyng kiyimderin әsem keyipteu ýshin sәtti paydalanugha bolar edi ghoy.

Dau bolghan taghy bir kórinis – filimning basyndaghy jalanash әielding tisimen «búida sheshui». Mәsele onday salttyng qazaqta bolghan-bolmaghanynda emes. Bolghan eken delik, alayda sony ekrangha alyp shyghuda qanshalyqty mәn bar? D.Joljaqsynovtyng ózi súhbatynda «Múny alyp tastaghanda da, qaldyrghanda da eshtene ózgermeydi» depti. Sonda «eshtene ózgertpeytin» kórinis filimge ne sәn berip túr? Onysyn bilmedim, biraq bir ziyany – búryn әke-sheshemizben de, úl-qyzymyzben de birge otyryp kino kóre beretinbiz. «Qúnanbaydyn» bas jaghyndaghy әlgi epizodta men – әke-sheshemnen, balalarym – menen úyalyp otyratyn boldyq. Sol ghana...

Sәken Sybanbay

Abai.kz